Poornachandra Tejaswi: ‘ಜುಗಾರಿ ಕ್ರಾಸ್‌’ಗೆ ಸಿನಿಮಾ ಟಚ್

Team Udayavani, Sep 9, 2024, 11:27 AM IST

ಪೂರ್ಣಚಂದ್ರ ತೇಜಸ್ವಿ (Poornachandra Tejaswi) ಅವರ ಪ್ರಸಿದ್ಧ ಕಾದಂಬರಿ “ಜುಗಾರಿ ಕ್ರಾಸ್‌’ (Jugari Cross)ಈಗ ಸಿನಿಮಾ ಆಗುತ್ತಿದೆ. ಮಲೆನಾಡಿನ ಕೃಷಿಕ ದಂಪತಿಗಳ ಸ್ವಾರಸ್ಯಕರ ಕಥೆ ಜುಗಾರಿ ಕ್ರಾಸ್‌ನಲ್ಲಿದೆ. ವನ್ಯ ಸಂಪತ್ತು ಕಳ್ಳತನ, ದರೋಡೆ, ಭೂಗತ ಕೆಲಸಗಳ ಬಗ್ಗೆ ವಿವರಿಸುತ್ತಾ ಜನರು ಪ್ರಕೃತಿ ಸಂಪತ್ತನ್ನು ಹೇಗೆ ಲೂಟಿ ಮಾಡುತ್ತಿದ್ದಾರೆ ಎನ್ನುವುದನ್ನು ಈ ಕಾದಂಬರಿಯಲ್ಲಿ ಹೇಳಲಾಗಿದೆ. ಈಗ ಕಾದಂಬರಿಯನ್ನು ಸಿನಿಮಾವಾಗಿಸಲು ನಿರ್ದೇಶಕ ಗುರುದತ್‌ ಗಾಣಿಗ ಮುಂದಾಗಿದ್ದಾರೆ.

ಪೂರ್ಣಚಂದ್ರ ತೇಜಸ್ವಿ ಅವರ ಹುಟ್ಟುಹಬ್ಬದ ಪ್ರಯುಕ್ತ ಸಿನಿಮಾ ಅನೌನ್ಸ್‌ ಮಾಡಿದ್ದು, ಫ‌ಸ್ಟ್‌ ಲುಕ್‌ ಪೋಸ್ಟರ್‌ ರಿಲೀಸ್‌ ಆಗಿದೆ. ಈ ಸಿನಿಮಾ ಗುರುದತ್‌ ಗಾಣಿಗ ಫಿಲ್ಮಂ ಹಾಗು ಸಪ್ತಗಿರಿ ಎಂಟರ್‌ಟೈನ್ಮೆಂಟ್‌ ಸಹಯೋಗದಲ್ಲಿ ನಿರ್ಮಾಣವಾಗುತ್ತಿದೆ.

ದಂತಕತೆಯ ಜನುಮದಿನದ ಸಂಭ್ರಮದಲ್ಲಿ ಲೋಕವೇ ಮೆಚ್ಚಿದ ಅವರ ಶ್ರೇಷ್ಠ ಕೃತಿ ಸಿನಿಮಾವಾಗುವ ಸಮಯ.

JUGARI CROSS ON SILVER SCREEN…

All the very best @gurudath_ganiga and Team#jugaricross #kppoornachandratejaswi #kuvempu #poochante #gurudathaganiga #happybirthdaypoornachandratejaswi pic.twitter.com/uk1F3gw4Dw

— Vasudevkumar S (@SVasudevkumar) September 8, 2024

ಇನ್ನು ಈ ಸಿನಿಮಾದ ಪ್ರಮುಖ ಪಾತ್ರದಲ್ಲಿ ಯಾರು ಕಾಣಿಸಿಕೊಳ್ಳುತ್ತಿದ್ದಾರೆ. ಜುಗಾರಿ ಕ್ರಾಸ್‌ ನಲ್ಲಿ ಬರುವ ಪಾತ್ರಗಳಿಗೆ ಯಾರೆಲ್ಲ ಜೀವ ತುಂಬಲಿದ್ದಾರೆ ಎನ್ನುವುದು ಇನ್ನಷ್ಟೇ ಅಂತಿಮವಾಗಬೇಕಿದೆ. ಈ ಚಿತ್ರಕ್ಕೆ ಅಭಿಮನ್ಯು ಸದಾನಂದನ್‌ ಛಾಯಾಗ್ರಹಣವಿದೆ.