ರಿಷಭ್‌ ಶೆಟ್ಟಿ ‘ಕಾಂತಾರ’ದಲ್ಲಿ ಕರಾವಳಿ ಸೊಗಡು

Team Udayavani, Apr 17, 2022, 11:39 AM IST

ರಿಷಭ್‌ ಶೆಟ್ಟಿ ನಿರ್ದೇಶಿಸಿ, ನಟಿಸುತ್ತಿರುವ “ಕಾಂತಾರ’ ಚಿತ್ರದ ಸಣ್ಣ ಝಲಕ್‌ ವೊಂದು ಬಿಡುಗಡೆಯಾಗಿದೆ. ಇದನ್ನು ನೋಡಿವರಿಂದ ಸಿನಿಮಾಕ್ಕೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಇತ್ತೀಚೆಗೆ ಚಿತ್ರತಂಡ ಬಿಡುಗಡೆ ಮಾಡಿರುವ ಚಿತ್ರದ ಟೀಸರ್‌ ನೋಡಿದವರು “ಕಾಂತಾರ’ ಒಂದು ಹೊಸ ಜಾನರ್‌ನ ಸಿನಿಮಾವಾಗಿ ಪ್ರೇಕ್ಷಕರ ಮನಗೆಲ್ಲಲಿದೆ ಎನ್ನುತ್ತಿದ್ದಾರೆ.

ಅಂದಹಾಗೆ, “ಕಾಂತಾರ’ ಒಂದು ಔಟ್‌ ಅಂಡ್‌ ಔಟ್‌ ಕಮರ್ಷಿಯಲ್‌ ಸಿನಿಮಾ. ಚಿತ್ರದ ಬಗ್ಗೆ ಮಾತನಾಡುವ ರಿಷಭ್‌, “ಕಾಂತಾರ’ದಲ್ಲಿ ಹೆಚ್ಚು ಆ್ಯಕ್ಷನ್‌ ದೃಶ್ಯಗಳಿವೆ. ಜೊತೆಗೆ ಕರಾವಳಿಯ ಜನಪದ ಕಲೆಯಾದ ಕಂಬಳ ಇದೆ. ಜನರಿಗೆ ಬೇಗನೇ ಕನೆಕ್ಟ್ ಆಗುವ ಹಾಗೂ ಇದು ನಮ್ಮದು ಎನಿಸುವ ಅನೇಕ ವಿಷಯಗಳಿವೆ. ಈ ಎಲ್ಲಾ ಅಂಶಗಳು ಸೇರಿ ಚಿತ್ರ ಒಂದು ಮಾಸ್‌ ಸಿನಿಮಾ ಆಗಿದೆ. ಹಾಗಂತ ರೆಗ್ಯುಲರ್‌ ಮಾಸ್‌ ಸಿನಿಮಾವಲ್ಲ. ಮುಖ್ಯವಾಗಿ ಇಲ್ಲಿ ಅಡ್ವೆಂಚರಸ್‌ಗೆ ಹೆಚ್ಚಿನ ಮಹತ್ವ ನೀಡಲಾಗಿದೆ. ಮುಖ್ಯವಾಗಿ ನಗರ ಪ್ರದೇಶದ ಜನ ನೋಡಿರದಂತಹ ಒಂದು ಹೊಸ ಲೋಕವನ್ನು ಇಲ್ಲಿ ತೆರೆದಿಡುತ್ತಿದ್ದೇವೆ’ ಎನ್ನುವುದು ರಿಷಭ್‌ ಮಾತು.

ಇದನ್ನೂ ಓದಿ:ಆ ಒಂದು ಕನಸಿಗಾಗಿ ಎಲ್ಲಾ ಪ್ರಯತ್ನ ಮಾಡುತ್ತಿದ್ದೇನೆ..: ದಿನೇಶ್ ಕಾರ್ತಿಕ್

ಮೊದಲೇ ಹೇಳಿದಂತೆ “ಕಾಂತಾರ’ ಒಂದು ಔಟ್‌ ಅಂಡ್‌ ಔಟ್‌ ಮಾಸ್‌ ಸಿನಿಮಾ. ಹೆಚ್ಚು ಆ್ಯಕ್ಷನ್‌ಗಳಿವೆ. ಆದರೆ, ಈ ಎಲ್ಲಾ ಆ್ಯಕ್ಷನ್‌ಗಳಲ್ಲಿ ರಿಷಭ್‌ ಡ್ನೂಪ್‌ ಇಲ್ಲದೇ ಫೈಟ್‌ ಮಾಡಿದ್ದಾರಂತೆ. ಕರಾವಳಿ ಭಾಗದ ಕಥೆಯಾಗಿರುವುದರಿಂದ ಫೈಟ್‌ ನೈಜವಾಗಿ ಮೂಡಿಬರಬೇಕೆಂಬ ಕಾರಣದಿಂದ ಯಾವುದೇ ಡ್ನೂಪ್‌ ಸಹಾಯವಿಲ್ಲದೇ ಫೈಟ್‌ ಮಾಡಿದ್ದಾರಂತೆ ರಿಷಭ್.

Welcome to the ????? ?? ???????#KantaraTeaser : https://t.co/rEH2yDUDXD#Kantara @VKiragandur @hombalefilms @HombaleGroup @AJANEESHB @gowda_sapthami @Karthik1423 @KantaraFilm pic.twitter.com/wgen9zF0NM

— Rishab Shetty (@shetty_rishab) April 13, 2022