ನನಗೆ ಹಿಟ್‌ ಸಿಕ್ಕಿರೋದೇ ಮಿಲನಾ ಜೊತೆ!

Team Udayavani, Aug 2, 2023, 2:50 PM IST

ಕೌಸಲ್ಯ…’ದಲ್ಲಿ ಮತ್ತೂಮ್ಮೆ ಗಂಡ-ಹೆಂಡ್ತಿ ಕ್ಲಿಕ್‌ ಆಗಿದ್ದೀರಿ. ಹೇಗನಿಸ್ತಾ ಇದೆ?

– ಜನ ಒಳ್ಳೆಯ ಸಿನಿಮಾವನ್ನು ಸ್ವೀಕರಿಸುತ್ತಿರುವುದು ಮೊದಲ ಖುಷಿ. ಇಲ್ಲಿ ಮಿಲನಾ ಅವರನ್ನು ಆಯ್ಕೆ ಮಾಡಿದ್ದು ಕ್ಲಿಕ್‌ ಆಗುತ್ತೇವೆ ಅಥವಾ ಹಿಟ್‌ ಜೋಡಿ ಎಂದಲ್ಲ. ಆ ಪಾತ್ರದ ಇಂಟೆನ್ಸ್‌ ಹಾಗಿತ್ತು. ಅದಕ್ಕೆ ಮಿಲನಾ ನ್ಯಾಯ ಒದಗಿಸಿದ್ದಾರೆ.

ಜೊತೆ ಯಾಗಿ ನಟಿಸುವ ಅವಕಾಶ ಬಂದಾಗ ಮೊದಲು ಖುಷಿ ಆಗೋದು ನೀವಾ, ಮಿಲನಾ ಅವರಾ? 

– ನನಗೆ ಹಿಟ್‌ ಸಿಕ್ಕಿರೋದು ಅವಳ ಜೊತೆ ನಟಿಸಿದಾಗ, ಅವಳಿಗೂ ಅಷ್ಟೇ, ಹಿಟ್‌ ಸಿಕ್ಕಿರೋದು ನನ್ನ ಜೊತೆ ನಟಿಸಿದಾಗ… ಹಾಗಾಗಿ, ಇಬ್ಬರೂ ಖುಷಿಯಾಗುತ್ತೇವೆ. “ಕೌಸಲ್ಯ ಸುಪ್ರಜಾ ರಾಮ’ದಂತಹ ಒಳ್ಳೆಯ ಕಥೆ ಸಿಕ್ಕಾಗ ಆ ಖುಷಿಯೇ ಬೇರೆ…

ಶೂಟಿಂಗ್‌ ಮುಗಿಸಿ ಮನೆಗೆ ಬಂದಾಗ ಮತ್ತೆ ಸಿನ್ಮಾ ಚರ್ಚೆ ಮಾಡುತ್ತೀರಾ?

– ಖಂಡಿತಾ, ಅದು ಶೂಟಿಂಗ್‌ ಹೋಗುವಾಗ, ಬರುವಾಗ.. ಮನೆಗೆ ಬಂದ ನಂತರವೂ ಚರ್ಚೆ ಮಾಡುತ್ತಲೇ ಇರುತ್ತೇವೆ. ಇಬ್ಬರ ಆಸಕ್ತಿ ಒಂದೇ ಆಗಿರುವುದರಿಂದ ಬೋರ್‌ ಆಗುವುದಿಲ್ಲ

“ಲವ್‌ ಮಾಕ್ಟೇಲ್‌-3′ ಎಲ್ಲಿಗೆ ಬಂತು?

– ಒಂದು ಹಂತದ ಬರವಣಿಗೆ ಮುಗಿದಿದೆ. ಸದ್ಯ “ಕೌಸಲ್ಯ’ ಸಿನಿಮಾ ದಲ್ಲಿ ಬಿಝಿಯಾಗಿರುವುದರಿಂದ ಆ ಕಡೆ ಹೆಚ್ಚು ಗಮನ ಕೊಟ್ಟಿಲ್ಲ

ನಿಮ್ಮ ಸ್ಟ್ರೆಂಥ್‌ ಯಾವುದು- ಆ್ಯಕ್ಟರ್‌, ಡೈರೆಕ್ಟರ್‌?

– ಬರೀ ನಟನೆ ಅಂದಾಗ ಹೆಚ್ಚು ರಿಸ್ಕ್ ಇರೋದಿಲ್ಲ. ಆದರೆ, ನಿರ್ದೇಶನದ ಜೊತೆಗೆ ನಟನೆ ಎಂದಾಗ ತಲೆಗೂ ಕೆಲಸ ಕೊಡಬೇಕಾಗುತ್ತದೆ. ಹಾಗಾಗಿ, ಡೈರೆಕ್ಟರ್‌ ನನ್ನ ಸ್ಟ್ರೆಂಥ್‌ ಎನ್ನಬಹುದು.