ತೆಲುಗಿನಲ್ಲಿ ದರ್ಶನ್‌ ಹವಾ: ಚಿತ್ರತಂಡಕ್ಕೆ ಸಾಥ್‌ ನೀಡಿದ ಜಗಪತಿ ಬಾಬು

Team Udayavani, Feb 28, 2021, 1:45 PM IST

ದರ್ಶನ್‌ ನಾಯಕರಾಗಿರು “ರಾಬರ್ಟ್‌’ ಚಿತ್ರದ ಹಾಡು, ಟ್ರೇಲರ್‌ ಹಿಟ್‌ ಆಗಿರೋದು ಗೊತ್ತೇ ಇದೆ. ಕೇವಲ ಕನ್ನಡದಲ್ಲಿ ಮಾತ್ರವಲ್ಲ, ತೆಲುಗಿನಲ್ಲೂ ಚಿತ್ರ ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಿದೆ. ಈ ಮೂಲಕ ದರ್ಶನ್‌ ಹವಾ ತೆಲುಗು ಚಿತ್ರರಂಗದಲ್ಲೂ ಜೋರಾಗಿಯೇ ಶುರುವಾಗಿದೆ.

ಅದಕ್ಕೆ ಸಾಕ್ಷಿಯಾಗಿದ್ದು, ಶುಕ್ರವಾರ ಹೈದರಬಾದ್‌ನಲ್ಲಿ ನಡೆದ “ರಾಬರ್ಟ್‌’ ಚಿತ್ರದ ಪ್ರೀರಿಲೀಸ್‌ ಇವೆಂಟ್‌. ಈ ಕಾರ್ಯಕ್ರಮದಲ್ಲಿ ದರ್ಶನ್‌ ಅವರನ್ನು ನೋಡಲು ದೊಡ್ಡ ಮಟ್ಟದಲ್ಲಿ ತೆಲುಗು ಅಭಿಮಾನಿಗಳು ಸೇರಿದ್ದರು. ಜೊತಗೆ ಡಿ ಬಾಸ್‌ ಎಂಬ ಕೂಗು ಅಲ್ಲೂ ಕೇಳಿಬಂತು.

ತೆಲುಗು ನಟ ಜಗಪತಿ ಬಾಬು, ದರ್ಶನ್‌ ಅವರು ಕಲಾವಿದರನ್ನು ನಡೆಸಿಕೊಂಡ ರೀತಿ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಜೊತೆಗೆ ಕನ್ನಡ ಚಿತ್ರರಂಗದ ಬಗ್ಗೆಯೂ ಗುಣಗಾನ ಮಾಡಿದರು. ಜೊತೆಗೆ “ನಮ್ಮ ಮನೆಗೆ ಅತಿಥಿಯಾಗಿ ಬರುತ್ತಿರುವ ರಾಬರ್ಟ್‌ ತಂಡವನ್ನು ನಾವು ಗೌರವಿಸುವುದು ನಮ್ಮ ಧರ್ಮ. ಎಲ್ಲರೂ ಈ ಚಿತ್ರವನ್ನು ಗೆಲ್ಲಿಸಿ’ ಎಂದು ತೆಲುಗು ಅಭಿಮಾನಿಗಳನ್ನು ಕೇಳಿಕೊಂಡರು.

ಇದನ್ನೂ ಓದಿ:ಬಾಯ್‍ಫ್ರೆಂಡ್ ಜತೆ ರೊಮ್ಯಾಂಟಿಕ್ ಹಗ್…ಮತ್ತೆ ಪ್ರೀತಿಯಲ್ಲಿ ನಟಿ ಶೃತಿ ಹಾಸನ್ ?

ನಟ ದರ್ಶನ್‌ ಕೂಡಾ ಸಿನಿಮಾದ ಬಗ್ಗೆ ಮಾತನಾಡಿದರು. ಕನ್ನಡದಲ್ಲೇ ಮಾತು ಆರಂಭಿಸಿದ ದರ್ಶನ್‌, ತಮ್ಮ ಸಿನಿಮಾ ಬಗ್ಗೆ, ಇಡೀ ತಂಡದ ಶ್ರಮದ ಬಗ್ಗೆ ಹೇಳಿಕೊಂಡರು. ಅಲ್ಲೂ ಡಿ ಬಾಸ್‌ ಡಿಬಾಸ್‌ ಎಂಬ ಕೂಗು ಜೋರಾಗಿಯೇ ಕೇಳಿಬರುತ್ತಿತ್ತು.

ಉಳಿದಂತೆ ನಿರ್ದೇಶಕ ತರುಣ್‌, ನಿರ್ಮಾಪಕ ಉಮಾಪತಿ, ನಟ ವಿನೋದ್‌ ಪ್ರಭಾಕರ್‌, ನಟಿ ಆಶಾ ಭಟ್‌ ಸೇರಿದಂತೆ ಚಿತ್ರತಂಡದ ಸದಸ್ಯರು ತಮ್ಮ ಅನುಭವ ಹಂಚಿಕೊಂಡರು.

ಇದನ್ನೂ ಓದಿ: ವೀಕೆಂಡ್‌ನ‌ಲ್ಲಿ ಮತ್ತೆ ಕಿಚ್ಚನ ಎಂಟ್ರಿ

ಇನ್ನು, ಉತ್ತರ ಕರ್ನಾಟಕದ ಗಂಡುಮೆಟ್ಟಿದ ನೆಲ ಹುಬ್ಬಳ್ಳಿಯಲ್ಲಿ “ರಾಬರ್ಟ್‌’ ಚಿತ್ರದ ಪ್ರೀ-ರಿಲೀಸ್‌ ಕಾರ್ಯಕ್ರಮ ಇಂದು (ಫೆ. 28) ರಂದು ರೈಲ್ವೇ ಗ್ರೌಂಡ್ಸ್‌ನಲ್ಲಿ ನಡೆಯಲಿದೆ.