ನಾನಿ ದಸರಾಗೆ ರಕ್ಷಿತ್‌ ಸಾಥ್‌

Team Udayavani, Jan 30, 2023, 2:50 PM IST

ನಟ ನಾನಿ ನಟನೆಯ “ದಸರಾ’ ಟೀಸರ್‌ ಇಂದು ಬಿಡುಗಡೆಯಾಗುತ್ತಿದೆ. ಕನ್ನಡ, ಹಿಂದಿ, ತಮಿಳು, ಮಲಯಾಳಂ ಭಾಷೆಯ ಸ್ಟಾರ್‌ ನಟರು ಟೀಸರ್‌ ಬಿಡುಗಡೆ ಮಾಡಲಿದ್ದಾರೆ. ಕನ್ನಡ ವರ್ಶನ್‌ ಟೀಸರ್‌ ಅನ್ನು ನಟ ರಕ್ಷಿತ್‌ ಶೆಟ್ಟಿ ರಿಲೀಸ್‌ ಮಾಡಲಿದ್ದಾರೆ.

ಬಾಲಿವುಡ್‌ ನಟ ಶಾಹಿದ್‌ ಕಪೂರ್‌, ಧನುಶ್‌, ರಕ್ಷಿತ್‌ ಶೆಟ್ಟಿ, ದುಲ್ಕರ್‌ ಸಲ್ಮಾನ್‌ ಚಿತ್ರದ ಟೀಸರ್‌ಗೆ ಸಾಥ್‌ ನೀಡುತ್ತಿದ್ದಾರೆ. ನಾನಿ ಹಾಗೂ ಕೀರ್ತಿ ಸುರೇಶ್‌ ಜೋಡಿಯಾಗಿರುವ ದಸರಾ ಚಿತ್ರಕ್ಕೆ ಶ್ರೀಕಾಂತ್‌ ಒಡೆಲಾ ಆಕ್ಷನ್‌ ಕಟ್‌ ಹೇಳಿದ್ದಾರೆ.

ಮಾರ್ಚ್‌ 30ರಂದು ಸಿನಿಮಾ ತೆರೆ ಕಾಣುತ್ತಿದೆ. ಈಗಾಗಲೇ ಹಾಡುಗಳ ಮೂಲಕ ಕ್ರೇಜ್‌ ಸೃಷ್ಟಿಸಿರುವ ಚಿತ್ರತಂಡ ಟೀಸರ್‌ ಝಲಕ್‌ ಮೂಲಕ ಪ್ರೇಕ್ಷಕರ ಮನ ಸೆಳೆಯಲು ಸಜ್ಜಾಗಿದೆ. ಬಹು ದೊಡ್ಡ ತಾರಾಗಣ ಒಳಗೊಂಡ ಈ ಚಿತ್ರದಲ್ಲಿ ದೀಕ್ಷಿತ್‌ ಶೆಟ್ಟಿ, ಸಮುದ್ರಕನಿ, ಸಾಯಿಕುಮಾರ್‌ ಸೇರಿದಂತೆ ಸ್ಟಾರ್‌ ಕಲಾವಿದರ ತಾರಾಬಳಗವಿದೆ.