ಕೊನೆಯ ಹಂತ ತಲುಪಿದ ‘ಡಿಸೆಂಬರ್‌ 24’

Team Udayavani, Mar 14, 2021, 12:24 PM IST

ಹೊಸಬರ ಡಿಸೆಂಬರ್‌ 24 ಚಿತ್ರ ಕೊನೆಯ ಹಂತದ ಚಿತ್ರೀಕರಣ ತಲುಪಿದ್ದು, ಮಾರ್ಚ್‌ 25ರಿಂದ 2ನೇ ಹಂತ ಆರಂಭವಾಗಲಿದೆ. ಹುಲಿಯೂರು ದುರ್ಗ, ಕುಣಿಗಲ್, ಮಾಗಡಿ ಸುತ್ತಮುತ್ತ ಈ ಹಂತದಲ್ಲಿ ಶೂಟಿಂಗ್‌ ನಡೆಸಲು ಚಿತ್ರತಂಡ ಪ್ಲಾನ್‌ ಹಾಕಿಕೊಂಡಿದೆ.

ನಾಗರಾಜ್‌ ಎಂಜಿ ಗೌಡ ಅವರು ಕಥೆ ಬರೆದು ನಿರ್ದೇಶನ ಮಾಡುತ್ತಿರುವ ಈ ಚಿತ್ರಕ್ಕೆ ದೇವು ಹಾಗೂ ಮಂಜು ಡಿ.ಟಿ., ಬೆಟ್ಟೇಗೌಡ ಸೇರಿ ಬಂಡವಾಳ ಹೂಡಿದ್ದಾರೆ.

ನಮ್ಮ ದೇಶದಲ್ಲಿ ಪ್ರತಿದಿನ ಹುಟ್ಟುವ ನೂರು ಮಕ್ಕಳಲ್ಲಿ ಮೂವರು ಮಕ್ಕಳು ಉಸಿರಾಟದ ಸಮಸ್ಯೆಯಿಂದಲೇ ಮರಣ ಹೊಂದುತ್ತಿವೆ. ಇದಕ್ಕೆ ವೈದ್ಯಕೀಯ ಸಂಶೋಧನೆಯಲಿ ಈವರೆಗೆ ಯಾವುದೇ ನಿಖರ ಔಷಧಿಯನ್ನು ಕಂಡು ಹಿಡಿಯಲಾಗಿಲ್ಲ. ಕೆಲ ಸಂಶೋಧನೆಗಳು ನಡೆದಿದ್ದರೂ ಅದರಿಂದ ಯಾವುದೇ ಪ್ರಯೋಜನವಾಗಿಲ್ಲ. ಇಂತಹದೊಂದು ಅಂತರಾಷ್ಟ್ರೀಯ ಮಟ್ಟದ ಸಮಸ್ಯೆಯನ್ನು ಮುಂದಿಟ್ಟುಕೊಂಡು ಈ ಚಿತ್ರವನ್ನು ನಿರ್ಮಿಸಲಾಗುತ್ತಿದೆ. 2015ರಿಂದ 2019ರ ನಡುವೆ ನಡೆಯುವ ಕೆಲವೊಂದು ನೈಜ ಘಟನೆಗಳನ್ನಿಟ್ಟುಕೊಂಡು ಕಥೆ ಮಾಡಲಾಗಿದೆ.

ಈ ಚಿತ್ರದಲ್ಲಿ ನಾಯಕರಾಗಿ ಅಪ್ಪು ಬಡಿಗೇರ, ರವಿ ಕೆ.ಆರ್. ಪೇಟೆ, ರಘು ಶೆಟ್ಟಿ, ಜಗದೀಶ್‌ ರಾಮಾಚಾರಿ ಸಾಗರ್‌, ನಾಯಕಿಯರಾಗಿ ಭೂಮಿಕಾ ರಮೇಶ್‌, ಮಿಲನ ರಮೇಶ್‌ ಹಾಗೂ ದಿವ್ಯಾ ಆಚಾರ್‌ ಅಭಿನಯಿಸುತ್ತಿದ್ದಾರೆ.