ಜನವರಿ 15ಕ್ಕೆ “ಬಂಪರ್” ಚಿತ್ರ ಮುಹೂರ್ತ; ದಾಸ ದರ್ಶನ್ ಚಿತ್ರಕ್ಕೆ ಕ್ಲ್ಯಾಪ್

Team Udayavani, Jan 14, 2020, 12:06 PM IST

ಬೆಂಗಳೂರು: ಬಜಾರ್ ಚಿತ್ರದ ಮೂಲಕ ಸ್ಯಾಂಡಲ್ ವುಡ್ ಅಂಗಳಕ್ಕೆ ಎಂಟ್ರಿ ಕೊಟ್ಟ ನಟ ಧನ್ವೀರ್ ಈಗ ಬಂಪರ್ ಆಗಿ ತೆರೆಮೇಲೆ ಮಿಂಚೋಕೆ ರೆಡಿಯಾಗಿದ್ದಾರೆ. ಬಂಪರ್ ಚಿತ್ರದ ಮುಹೂರ್ತ ಜನವರಿ 15ರಂದು ಬಂಡೀಮಹಾಕಾಳಮ್ಮ ದೇವಸ್ಥಾನದಲ್ಲಿ ನಡೆಯಲಿದೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಚಿತ್ರಕ್ಕೆ ಕ್ಲ್ಯಾಪ್ ಮಾಡುವ ಮೂಲಕ ಧನ್ವೀರ್ ಚಿತ್ರಕ್ಕೆ ಶುಭ ಹಾರೈಸಲಿದ್ದಾರೆ.

ಬಂಪರ್ ಫ್ಯಾಮಿಲಿ ಎಂಟಟೈನ್ಮೆಂಟ್ ಚಿತ್ರವಾಗಿದ್ದು ಕಮರ್ಶಿಯಲ್ ಎಲಿಮೆಂಟ್ ಜೊತೆಗೆ ಹೊಸತನದೊಂದಿಗೆ ಚಿತ್ರವನ್ನು ಕಟ್ಟಿಕೊಡಲು ನಿರ್ದೇಶಕ ಹರಿ ಸಂತೋಷ್ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ.  ಭರಾಟೆ ಚಿತ್ರವನ್ನು ನಿರ್ಮಾಣ ಮಾಡಿದ್ದ ಸುಪ್ರಿತ್ ಬಂಪರ್ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ.

ಚಿತ್ರದ ತಾರಬಳಗ ಹಾಗೂ ಚಿತ್ರದ ಎಳೆ ಬಗ್ಗೆ ಗುಟ್ಟು ಬಿಟ್ಟು ಕೊಡದ ನಿರ್ದೇಶಕ ಹರಿ ಸಂತೋಷ್ ಸದ್ಯದಲ್ಲೇ ಚಿತ್ರದ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಲಿದ್ದಾರೆ. ಇದರ ಜೊತೆ ಚಿತ್ರಕ್ಕಾಗಿ ನಾಯಕಿಯ ಹುಡುಕಾಟವೂ ನಡೆಯುತ್ತಿದ್ದು ಸದ್ಯದಲ್ಲೇ ಎಲ್ಲ ವಿವರ ನೀಡಲಿದೆ ಚಿತ್ರತಂಡ.