Sandalwood; ಹಾಡಲ್ಲಿ ʼಧ್ರುವತಾರೆ’; ಇದು ಗಂಡ ಹೆಂಡ್ತಿ ಸಿನಿಮಾ

Team Udayavani, Aug 22, 2024, 3:26 PM IST

ಹಳೆಯ ಸಿನಿಮಾ ಟೈಟಲ್‌ಗ‌ಳು ಮತ್ತೆ ಮತ್ತೆ ಬಳಕೆಯಾಗುತ್ತಲೇ ಇರುತ್ತವೆ. ಈ ಸಾಲಿಗೆ ಹೊಸ ಸೇರ್ಪಡೆ “ಧ್ರುವತಾರೆ’. ಡಾ.ರಾಜ್‌ಕುಮಾರ್‌ ನಟನೆಯ “ಧ್ರುವತಾರೆ’ ಟೈಟಲ್‌ ಅನ್ನೇ ಹೊಸಬರ ತಂಡ ಬಳಕೆ ಮಾಡಿಕೊಳ್ಳುವ ಮೂಲಕ ಅದೃಷ್ಟ ಪರೀಕ್ಷೆಗೆ ಇಳಿದಿದೆ.

ಜಿ.ಪಿ. ಫಿಲಂಸ್‌ ಸ್ಟುಡಿಯೋಸ್‌ ಬ್ಯಾನರ್‌ ನಡಿ, ಗಣೇಶ್‌ ಕುಮಾರ್‌ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ.

ಪ್ರತೀಕ್‌ ನಿರ್ದೇಶನದ ಜೊತೆಗೆ ನಟನೆಯನ್ನು ಮಾಡಿದ್ದು, ಇದು ಫ್ಯಾಮಿಲಿ ಡ್ರಾಮಾದ ಕಥೆ ಇದಾಗಿದೆ. ಇತ್ತೀಚೆಗೆ ಚಿತ್ರದ ಆಡಿಯೋ ಬಿಡುಗಡೆಯಾಗಿದೆ. ನಿರ್ದೇಶಕ ಪ್ರತೀಕ್‌ ಮಾತನಾಡಿ, “ಧ್ರುವತಾರೆ ನನ್ನ ಐದು ವರ್ಷದ ಕನಸು. ಮೂರು ವರ್ಷದ ಶ್ರಮ. ನಾನು ಮೂಲತಃ ಮೈಸೂರಿನ ಹುಡುಗ. ಓದುತ್ತಿದ್ದಾಗಲೇ ಸಿನಿಮಾ ಮೇಲೆ ಆಸಕ್ತಿ ಇತ್ತು. ಆಮೇಲೆ ಕಿರುಚಿತ್ರ ಮಾಡುತ್ತಾ ಬಂದೆ. ಈಗ ನನ್ನ ಆಸೆ ಈಡೇರಿದೆ. ನಿರ್ದೇಶದ ಜೊತೆಗೆ ನಟನೆ ಕೂಡ ಮಾಡಿದ್ದೇನೆ. ಸಿನಿಮಾ ಮಾಡುವುದು ಸುಲಭ. ಈ ಸಿನಿಮಾದಲ್ಲಿ ನನ್ನ ಹೆಂಡತಿ ಮೌಲ್ಯ ಹೀರೋಯಿನ್‌. ಖಂಡಿತ ಈ ಸಿನಿಮಾದಲ್ಲಿ ಮೌಲ್ಯ ಅವರ ನಟನೆ ತುಂಬಾ ಚೆನ್ನಾಗಿ ಮಾಡಿದ್ದಾರೆ. ಎಲ್ಲರೂ ಕೂಡ ತುಂಬಾ ಚೆನ್ನಾಗಿ ನಟಿಸಿದ್ದಾರೆ’ ಎಂದರು.

ನಟಿ ಮೌಲ್ಯ ಮಾತನಾಡಿ, “ಧ್ರುವತಾರೆ ಸಿನಿಮಾ ನನ್ನ ಜೀವನದ ಒಂದು ಭಾಗವಾಗಿದೆ. ಸಿನಿಮಾದಲ್ಲಿ ಅಪೂರ್ವ ಎಂಬ ಪಾತ್ರ ನನ್ನದು. ಮುಗ್ದೆ ಕುತೂಹಲ ಜಾಸ್ತಿ, ಡ್ಯಾನ್ಸ್‌ ತುಂಬಾ ಇಷ್ಟಪಡುವ ಹುಡುಗಿಯ ಪಾತ್ರ ಅದು’ ಎಂದರು. ಉಳಿದಂತೆ ರಮೇಶ್‌ ಭಟ್‌, ಮೂಗೂರು ಸುರೇಶ್‌, ಸುಮನ್‌ ನಗಕರರ್‌, ಅಶ್ವಿ‌ನ್‌ ಕಾಣಿಸಿಕೊಂಡಿದ್ದಾರೆ.