ಪ್ರಶಾಂತ್‌ ರಾಜ್‌ ಚಿತ್ರದಲ್ಲಿ ಸಂತಾನಂ ಹೀರೋ

Team Udayavani, Apr 27, 2022, 2:50 PM IST

ಪ್ರಶಾಂತ್‌ ರಾಜ್‌ ಚಿತ್ರದಲ್ಲಿ ಸಂತಾನಂ ಹೀರೋ ಆರೆಂಜ್‌, ಜೂಮ್, ಲವ್‌ ಗುರು ಸಿನಿಮಾಗಳನ್ನು ನಿರ್ದೇಶಿಸಿರುವ ಪ್ರಶಾಂತ್‌ ರಾಜ್‌ ಮತ್ತೆ ಆ್ಯಕ್ಷನ್‌ ಕಟ್‌ ಹೇಳಲು ರೆಡಿಯಾಗಿದ್ದಾರೆ.

ಈ ಬಾರಿ ಪ್ರಶಾಂತ್‌ ಕನ್ನಡದ ಜೊತೆಗೆ ತಮಿಳಿನಲ್ಲೂ ಸಿನಿಮಾ ನಿರ್ದೇಶನ ಮಾಡುತ್ತಿದ್ದು, ಚಿತ್ರ ಸೆಟ್ಟೇರಿ ಶೂಟಿಂಗ್‌ ಪ್ರಾರಂಭಿಸಿದೆ. ಚಿತ್ರತಂಡ ಇತ್ತೀಚೆಗೆ ಬೆಂಗಳೂರಿನ ಕೊಂದಂಡ ರಾಮ ದೇಗುಲದಲ್ಲಿರುವ ಸಾಯಿಬಾಬಾ ಮಂದಿರದಲ್ಲಿ ಸಿನಿಮಾದ ಮುಹೂರ್ತ ನೆರವೇರಿಸಿದೆ.

ಫಾರ್ಚುನ್‌ ಫಿಲಂ ಬ್ಯಾನರ್‌ನಡಿ ಪ್ರೊಡಕ್ಷನ್‌ ನಂಬರ್‌ 10ನಡಿ ಚಿತ್ರ ಸೆಟ್ಟೇರಿದೆ. ತಮಿಳಿನ ಖ್ಯಾತ ನಟ ಸಂತಾನಂ ನಾಯಕನಾಗಿ ನಟಿಸುತ್ತಿದ್ದು, ತಾನ್ಯಾ ಹೋಪ್‌ ನಾಯಕಿಯಾಗಿ ಬಣ್ಣ ಹಚ್ಚಿದ್ದಾರೆ. ರೊಮ್ಯಾಂಟಿಕ್‌ ಕಾಮಿಡಿ ಜಾನರ್‌ ಈ ಸಿನಿಮಾಗೆ ನವೀನ್‌ ರಾಜ್‌ ಬಂಡವಾಳ ಹೂಡಿದ್ದಾರೆ. ಈಗಾಗಲೇ ಚಿತ್ರದ ಶೂಟಿಂಗ್‌ ಪ್ರಾರಂಭವಾಗಿದ್ದು, ಚೆನ್ನೈಹಾಗೂ ವಿದೇಶದಲ್ಲಿ ಹಾಡು ಹಾಗೂ ಕೆಲ ದೃಶ್ಯಗಳ ಚಿತ್ರೀಕರಣ ನಡೆಯಲಿದೆ.

ಪ್ರಶಾಂತ್‌ ನಿರ್ದೇಶನದ ಹೊಸ ಸಿನಿಮಾಗೆ ಅರ್ಜುನ್‌ ಜನ್ಯ ಸಂಗೀತ ನೀಡಲಿದ್ದು, ಸುಧಾಕರ್‌ ಕ್ಯಾಮೆರಾ ಕೈಚಳಕ ಸಿನಿಮಾದಲ್ಲಿರಲಿದೆ.