TharunSonalTAKEOK; ನಿರ್ದೇಶಕನಿಗೆ ಜೀವನದ ನಾಯಕಿ ಸಿಕ್ಕಳು

Team Udayavani, Jul 22, 2024, 11:54 AM IST

ನಿರ್ದೇಶಕ ತರುಣ್‌ ಹಾಗೂ ನಟಿ ಸೋನಾಲ್‌ ಮೊಂತೆರೋ ಮದುವೆಯಾಗುತ್ತಿದ್ದಾರೆ ಎಂದು ಕೆಲ ದಿನಗಳ ಹಿಂದಿನಿಂದ ಅಂತೆ ಕಂತೆಗಳು ನಡೆಯುತ್ತಿದೆ. ಈ ವಿಚಾರ ಈಗ ಗುಟ್ಟಾಗಿ ಉಳಿದಿಲ್ಲ. ಇದೀಗ ಸ್ವತಃ ತರುಣ್ ಅವರೇ ಈ ಬಗ್ಗೆ ಅಧಿಕೃತ ಮಾಹಿತಿ ಹಂಚಿಕೊಂಡಿದ್ದಾರೆ.

ಸೋಮವಾರ (ಜುಲೈ 22) ತರುಣ್ ಸುಧೀರ್ ಅವರು ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ತರುಣ್ ಮತ್ತು ಸೋನಾಲ್ ಅವರ ಮುದ್ದಾದ ವಿಡಿಯೋದ ಜೊತೆಗೆ “ನಾನು ತರುಣ್, ನನ್ನ ನಾಯಕಿ ಸೋನಾಲ್ ಜೊತೆಗಿನ ನನ್ನ ಶ್ರೇಷ್ಠ ಪ್ರೇಮಕಥೆಯನ್ನು ನಿರ್ದೇಶಿಸುತ್ತಿದ್ದೇನೆ” ಎಂದು ಒಕ್ಕಣೆ ಬರೆದಿದ್ದಾರೆ.

#TharunSonalTAKEOK ಎಂದು ಹ್ಯಾಷ್ ಟ್ಯಾಗ್ ನೀಡಿದ್ದಾರೆ. ಅಂದಹಾಗೆ ತರುಣ್ ಮತ್ತು ಸೋನಾಲ್ ಮೊಂತೆರೋ ಅವರ ವಿವಾಹ ಆಗಸ್ಟ್ 11ರಂದು ನಡೆಯಲಿದೆ.

Tharun here, directing my greatest love story yet, with my leading lady, Sonal ♥️

ನಮ್ಮ ಕಥೆಯ ಶುಭಾರಂಭಕ್ಕೆ ನಿಮ್ಮ ಆಶೀರ್ವಾದವಿರಲಿ 🙏
11.08.2024 ✨#TharunSonalTAKEOK pic.twitter.com/04x8RU3VC2

— Tharun Sudhir (@TharunSudhir) July 22, 2024

ರವಿವಾರ ಇವರಿಬ್ಬರು ಪೋಸ್ಟ್‌ವೊಂದನ್ನು ಹಂಚಿಕೊಂಡಿದ್ದು, ಮೊದಲ ಬಾರಿಗೆ ಊಹಾಪೋಹಗಳನ್ನು ತಣಿಸುವ ಕೆಲಸ ಮಾಡಿದ್ದರು. ತರುಣ್‌, “ಕೊನೆಗೂ ನಿರ್ದೇಶಕ ತನ್ನ ಜೀವನದ ನಾಯಕಿಯನ್ನು ಕಂಡು ಕೊಂಡರು’ ಎಂದು ಪೋಸ್ಟ್‌ ಮಾಡಿದ್ದಾರೆ. ಸೋನಾಲ್‌ ಕೂಡಾ “ಕೊನೆಗೂ ನಾಯಕಿ ತನ್ನ ಜೀವನದ ನಿರ್ದೇಶಕನನ್ನು ಕಂಡುಕೊಂಡಳು’ ಎಂದು ಪೋಸ್ಟ್‌ ಮಾಡಿದ್ದರು.

ತರುಣ್ ನಿರ್ದೇಶನ ಮಾಡಿದ್ದ ರಾಬರ್ಟ್ ಸಿನಿಮಾದಲ್ಲಿ ಸೋನಾಲ್ ಮೊಂತೆರೋ ನಟಿಸಿದ್ದರು. ಮಂಗಳೂರು ಮೂಲದ ನಟಿ ಸೋನಾಲ್ ಕನ್ನಡ ಚಿತ್ರರಂಗಕ್ಕೆ ಕಾಲಿಡುವ ಮೊದಲು ತುಳು ಸಿನಿಮಾಗಳಲ್ಲಿ ನಟಿಸಿದ್ದರು.