ಆಗಸ್ಟ್‌ನಲ್ಲಿ ಫ‌ಸ್ಟ್‌ ಲವ್‌

Team Udayavani, Jul 26, 2017, 10:58 AM IST

ಲವ್‌ಗುರು ರಾಜೇಶ್‌ ಹಾಗೂ ಕವಿತಾಗೌಡ ಅಭಿನಯದ “ಫ‌ಸ್ಟ್‌ಲವ್‌’ ಚಿತ್ರ ಇದೀಗ ಬಿಡುಗಡೆಗೆ ರೆಡಿಯಾಗಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಆಗಸ್ಟ್‌ನಲ್ಲಿ ಚಿತ್ರ ತೆರೆಗೆ ಬರಲಿದೆ. ಆದಿತ್ಯ ಫಿಲಂ ಬ್ಯಾನರ್‌ನಲ್ಲಿ ಅಶೋಕ್‌ ಓ. ಲಮಾಣಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ.  ಚಿತ್ರಕ್ಕೆ ಆಯುಷ್ಮಾನ್‌ ನಿರ್ದೇಶಕರು. ಕಥೆ, ಚಿತ್ರಕಥೆ ಜವಾಬ್ದಾರಿ ಅವರದೇ. ಇದೊಂದು ವಿನೂತನ ಪ್ರೇಮಕಥೆ ಇರುವ ಚಿತ್ರ. ಸದ್ಯಕ್ಕೆ ಸೆನ್ಸಾರ್‌ಗೆ ಹೋಗಿದ್ದು, ಆಗಸ್ಟ್‌ನಲ್ಲಿ ಚಿತ್ರ ಬಿಡುಗಡೆ ಮಾಡಲು ಸಜ್ಜಾಗುತ್ತಿದ್ದಾರೆ ನಿರ್ಮಾಪಕರು.

ಇನ್ನು, ಆರ್‌.ಜೆ. ರಾಜೇಶ್‌ ಈ ಚಿತ್ರದ ಮೂಲಕ ನಾಯಕರಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಡುತ್ತಿದ್ದಾರೆ. ಹಾಗೆಯೇ, “ಲಕ್ಷಿಬಾರಮ್ಮ’ ಧಾರಾವಾಹಿ ಖ್ಯಾತಿಯ ನಾಯಕಿ ಕವಿತಾಗೌಡ ಅವರೂ ಸಹ ಈ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡುತ್ತಿದ್ದಾರೆ. ಚಿತ್ರಕ್ಕೆ ಸುರೇಶ್‌ಬಾಬು ಛಾಯಾಗ್ರಹಣವಿದೆ. ಶ್ರೀಧರ್‌ ವಿ.ಸಂಭ್ರಮ್‌ ಅವರ ಸಂಗೀತವಿದೆ. ಚಿತ್ರಕ್ಕೆ ಜಯಂತ್‌ ಕಾಯ್ಕಿಣಿ, ಗೌಸ್‌ಫೀರ್‌ ಅವರು ಹಾಡುಗಳನ್ನು ರಚಿಸಿದ್ದಾರೆ.

ರೂಕೇಶ್‌ ಹಾಗೂ ಆಯುಷ್ಮಾನ್‌ ಸಂಭಾಷಣೆ ಬರೆದಿದ್ದಾರೆ. ಇನ್ನು, ಮದನ್‌ ಹರಿಣಿ ನೃತ್ಯ ನಿರ್ದೇಶನವಿದೆ. ವಿಕ್ರಂ ಸಾಹಸ ನಿರ್ದೇಶನ ಮಾಡಿದ್ದಾರೆ. ಎನ್‌.ಎಂ.ವಿಶ್ವ ಸಂಕಲನ ಮಾಡಿದರೆ,  ಗುರುರಾಜ ಚ.ನಾಗೂರು, ಶ್ರೀನಿವಾಸ್‌ ಪತ್ತಾರ್‌, ಜಗಮೋಹನರೆಡ್ಡಿ ಸಹ ನಿರ್ಮಾಪಕರಾಗಿದ್ದಾರೆ. ಚಿತ್ರದಲ್ಲಿ ಸ್ನೇಹ, ರಾಜು ತಾಳೀಕೋಟೆ, ಅರುಣ್‌ ಬಾಲರಾಜ್‌, ಪ್ರಶಾಂತ್‌ ಸಿದ್ದಿ, ಲಕ್ಷ್ಮಣ್‌ ಸಿದ್ದೇಶ್‌, ಧರ್ಮೆàಂದ್ರ ಅರಸ್‌ ಇತರರು ಇದ್ದಾರೆ.