Sandalwood: ದೆವ್ವದ ಜೊತೆ ಪ್ರಥಮ ರಾತ್ರಿ!

Team Udayavani, Nov 22, 2023, 3:38 PM IST

ನಟ ಪ್ರಥಮ್‌ ನಾಯಕನಾಗಿ ಅಭಿನಯಿಸುತ್ತಿರುವ ಮತ್ತು ಪಿ.ವಿ.ಆರ್‌ ಸ್ವಾಮಿ ಗೂಗಾರದೊಡ್ಡಿ ನಿರ್ದೇಶನದ ಹೊಸ ಸಿನಿಮಾಕ್ಕೆ “ಫ‌ಸ್ಟ್‌ನೈಟ್‌ ವಿಥ್‌ ದೆವ್ವ’ ಎಂದು ಹೆಸರಿಡಲಾಗಿದ್ದು, ಇತ್ತೀಚೆಗೆ ಈ ಸಿನಿಮಾದ ಮುಹೂರ್ತ ನೆರವೇರಿತು.

ಹಿರಿಯನಟ ಶ್ರೀನಿವಾಸಮೂರ್ತಿ ಚಿತ್ರದ ಮೊದಲ ಸನ್ನಿವೇಶಕ್ಕೆ ಆರಂಭ ಫ‌ಲಕ ತೋರಿಸಿ ಚಿತ್ರೀಕರಣಕ್ಕೆ ಚಾಲನೆ ನೀಡಿದರು. ಮುಹೂರ್ತದ ಬಳಿಕ ಮಾತನಾಡಿದ ನಟ ಪ್ರಥಮ್‌, “ಇದೊಂದು ಹಾರರ್‌, ಕಾಮಿಡಿ ಶೈಲಿಯ ಸಿನಿಮಾ. ವಿಕ್ರಮಾದಿತ್ಯ ಮತ್ತು ಬೇತಾಳದ ಕಥೆಯನ್ನು ಸ್ಪೂರ್ತಿಯಾಗಿಟ್ಟುಕೊಂಡು ಈ ಸಿನಿಮಾಕ್ಕೆ ನಾನೇ ಕಥೆ ಬರೆದಿದ್ದೇನೆ. ಈಗಾಗಲೇ ಸಾಕಷ್ಟು ಹಾರಾರ್‌ ಸಿನಿಮಾಗಳು ಬಂದಿದ್ದರೂ, ಆ ಎಲ್ಲ ಸಿನಿಮಾಗಳಿಗಿಂತ ವಿಭಿನ್ನವಾಗಿ ಈ ಸಿನಿಮಾವನ್ನು ವಿಭಿನ್ನವಾಗಿ ತೋರಿಸುತ್ತಿದ್ದೇವೆ’ ಎಂದರು.

“ಲವ್‌, ಹಾರರ್‌, ಕಾಮಿಡಿ ಹೀಗೆ ಎಲ್ಲ ಥರದ ಮನರಂಜನಾತ್ಮಕ ಅಂಶಗಳೂ ಈ ಸಿನಿಮಾದಲ್ಲಿದೆ. ಬೆಂಗಳೂರಿನಲ್ಲಿ ಸಿನಿಮಾದ ಚಿತ್ರೀಕರಣ ಶುರುವಾಗಿದ್ದು, ಹೊರದೇಶದಲ್ಲಿ ಹಾಡಿನ ಚಿತ್ರೀಕರಣ ನಡೆಸುವ ಯೋಚನೆಯಿದೆ’ ಎನ್ನುವುದು ನಿರ್ದೇಶಕ ಪಿ. ವಿ. ಆರ್‌ ಸ್ವಾಮಿ ಮಾತು.

“ಫ‌ಸ್ಟ್‌ನೈಟ್‌ ವಿಥ್‌ ದೆವ್ವ’ ಸಿನಿಮಾದಲ್ಲಿ ಪ್ರಥಮ್‌ ಅವರಿಗೆ ನಿಖಿತಾ ಸ್ವಾಮಿ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಉಳಿದಂತೆ ಮಾನ್ಯಾ ಸಿಂಗ್‌, ಹಿರಿಯ ನಟರಾದ ಶ್ರೀನಿವಾಸಮೂರ್ತಿ, ಹರೀಶ್‌ ರಾಜ್‌, ಸಂಗೀತಾ, ಶಿವಮೊಗ್ಗ ಭಾಸ್ಕರ್‌, ತನುಜಾ, ದೀಪಿಕಾ ಮತ್ತಿತರರು ಸಿನಿಮಾದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ಸಿನಿಮಾದ ಹಾಡುಗಳಿಗೆ ಅದ್ವಿಕ್‌ ವರ್ಮ ಸಂಗೀತ ಸಂಯೋಜಿಸುತ್ತಿದ್ದು, ನಾಗೇಶ್‌ ಸಂಕಲನ ಹಾಗೂ ಸಂಭಾಷಣೆಯಿದೆ. ನವೀನ್‌ ಬೀರಣ್ಣ ಈ ಸಿನಿಮಾವನ್ನು ನಿರ್ಮಿಸುತ್ತಿದ್ದಾರೆ.