ಫ್ಲಮಿಂಗೋ ಸೆಲೆಬ್ರಿಟಿಸ್‌ ಕ್ಯಾಲೆಂಡರ್‌ ಬಿಡುಗಡೆ

Team Udayavani, Feb 5, 2018, 11:24 AM IST

ಹಿರಿಯ ಕಲಾವಿದೆ ಜಯಂತಿ ಅವರು ಇತ್ತೀಚೆಗೆ ಫ್ಲಮಿಂಗೋ ನಟನಾ ಶಾಲೆಯ ನೂತನ ಕ್ಯಾಲೆಂಡರ್‌ ಬಿಡುಗಡೆ ಮಾಡಿ, ನಟನಾ ಶಾಲೆ ವಿದ್ಯಾರ್ಥಿಗಳಿಗೆ ಶುಭಕೋರಿದರು. “ಕಲಾವಿದರಾಗಬೇಕು ಎಂದು ಬಯಸುವ ವಿದ್ಯಾರ್ಥಿಗಳಿಗೆ ಮೊದಲು ಶ್ರದ್ಧೆ, ತಾಳ್ಮೆಯ ಗುಣ ಇರಬೇಕು. ಆಗ ಮಾತ್ರ, ಕಲಾವಿದರಾಗಿ ರೂಪಗೊಳ್ಳಲು ಸಾಧ್ಯ.

ಕಲಾವಿದರಿಗೆ ಎಷ್ಟು ಕಲಿತರು ಕಲಿಯುತ್ತಲೇ ಇರಬೇಕು ಎಂಬ ಭಾವನೆ ಇರುತ್ತೆ. ನಟನೆ ಎಂಬುದು ಸಮುದ್ರವಿದ್ದಂತೆ. ಇಲ್ಲಿ ಕಲಿಕೆ ಎಂಬುದು ಬಹಳ ಮುಖ್ಯ. ಎಲ್ಲರೂ ಆಸಕ್ತಿಯಿಂದ ಕಲಿತು, ಕಲೆಗೆ ಗೌರವ ಕೊಡಬೇಕು ಎಂದು ಕಿವಿಮಾತು ಹೇಳಿದರಲ್ಲದೆ, ಹಿಂದಿನ ಹಳೆಯ ನೆನಪುಗಳನ್ನು ಮೆಲುಕು ಹಾಕಿದರು.

ನಿರ್ದೇಶಕ ಮೋಹನ್‌, ರೇಖಾದಾಸ್‌, ಸರಿಗಮ ವಿಜಿ ಅವರು ತಮ್ಮ ಅನುಭವ ಹಂಚಿಕೊಂಡರು. ಇದೇ ವೇಳೆ ಸಂಸ್ಥೆಯ ಮುಖ್ಯಸ್ಥ ಧವನ್‌ ಸೋಹ ಅವರು 2018ರ “ಫ್ಲಮಿಂಗೋ ಸೆಲೆಬ್ರಿಟಿಸ್‌ ಕ್ಯಾಲೆಂಡರ್‌ ಹೊರತಂದ ಬಗೆ ವಿವರಿಸಿದರು.