New Movie: ಹನುಮನ ಸುತ್ತ ಹೊಸಬರ ಚಿತ್ರ

Team Udayavani, Sep 3, 2024, 4:25 PM IST

“ಗದಾಧಾರಿ ಹನುಮಾನ್‌’ ಎಂಬ ಚಿತ್ರವೊಂದು ಆರಂಭವಾಗುತ್ತಿದೆ. ಇತ್ತೀಚೆಗೆ ಈ ಚಿತ್ರದ ಪೋಸ್ಟರ್‌ ಬಿಡುಗಡೆಯಾಗಿದೆ. ಈ ಚಿತ್ರ ಕನ್ನಡ, ತೆಲುಗು ಮತ್ತು ಹಿಂದಿ ಭಾಷೆಯಲ್ಲಿ ಸಿದ್ದಗೊಳ್ಳುತ್ತಿದೆ.

ಬಸವರಾಜ್‌ ಹುರಕಡ್ಲಿ ಮತ್ತು ರೇಣುಕ ಪ್ರಸಾದ್‌.ಕೆ.ಆರ್‌. ಜಂಟಿಯಾಗಿ ಬಂಡವಾಳ ಹೂಡುತ್ತಿದ್ದಾರೆ. ಈ ಪೈಕಿ ಬಸವರಾಜ್‌ ಹುರಕಡ್ಲಿ ಮಹತ್ವದ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ರೋಹಿತ್‌ ಕೊಲ್ಲಿ ನಿರ್ದೇಶಕರು.

ಇದೊಂದು ಸಾಹಸಮಯ ಡ್ರಾಮಾದ ಜೊತೆಗೆ ಹಾರರ್‌, ಥ್ರಿಲ್ಲರ್‌ ಕಾಮಿಡಿ ಹಾಗೂ ದೈವತ್ವದ ಅಂಶಗಳನ್ನು ಒಳಗೊಂಡ ಸಿನಿಮಾ ಎಂಬುದು ತಂಡದ ಮಾತು.

ರವಿ ಈ ಚಿತ್ರದ ನಾಯಕ.ಹೊಸ ಪ್ರತಿಭೆ ಹರ್ಷಿತಾ ನಾಯಕಿ. ಉಳಿದಂತೆ ಕಲ್ಯಾಣ್‌ ಕೃಷ್ಣ, ರಮೇಶ್‌ ಪಂಡಿತ್‌, ಸುನಂದ ಕಲ್ಬುರ್ಗಿ, ನಾಗೇಶ್‌ ಮಯ್ಯ, ಶಿವಪ್ಪ, ಅರ್ಜುನ್‌ , ಭೀಷ್ಮ, ಲೋಕೇಶ್‌ ನಟಿಸುತ್ತಿದ್ದಾರೆ.

ಜ್ಯೂಡಾ ಸ್ಯಾಂಡಿ ಸಂಗೀತ, ಅರುಣ್‌ ಗೌಡ ಛಾಯಾ ಗ್ರಹಣ, ಸಿ.ಎನ್‌.ಕಿಶೋರ್‌ ಸಂಕಲನವಿದೆ. ಬೆಂಗಳೂರು, ಚಿತ್ರದುರ್ಗ, ಗಂಗಾವತಿ, ಹಂಪಿ, ಅಂಜನಾದ್ರಿಬೆಟ್ಟ, ಕಿತ್ತೂರು, ಹೊನ್ನಾಪುರ, ದಾಂಡೇಲಿ ಸುಂದರ ತಾಣಗಳಲ್ಲಿ ನಾಲ್ಕು ಹಂತಗಳಲ್ಲಿ ಚಿತ್ರೀಕರಣ ನಡೆಸಲು ಯೋಜನೆ

ರೂಪಿಸಲಾಗಿದೆ. ಈಗಾಗಲೇ ಎರಡು ಹಂತದ ಶೂಟಿಂಗ್‌ ಮುಗಿದಿದೆ.