ಗಣೇಶ್‌ ಈಗ ಹಳ್ಳಿಹೈದ

ಸಖತ್‌ ಆಗಿ ಕಾಣ್ತಾರೆ ಗುರು!

Team Udayavani, Mar 1, 2020, 7:05 AM IST

ಗಣೇಶ್‌ ಹಾಗೂ ನಿರ್ದೇಶಕ ಸುನಿ ಕಾಂಬಿನೇಷನ್‌ನಲ್ಲಿ “ಚಮಕ್‌’ ಚಿತ್ರ ಜೋರು ಸುದ್ದಿ ಮಾಡಿದ್ದೇ ತಡ, ಅವರಿಬ್ಬರೂ ಇದೀಗ ಮತ್ತೂಂದು ಹೊಸ ಸಿನಿಮಾ ಮಾಡುತ್ತಿರುವುದು ಎಲ್ಲರಿಗೂ ಗೊತ್ತೇ ಇದೆ. ಆ ಚಿತ್ರಕ್ಕೆ “ಸಖತ್‌’ ಎಂಬ ಶೀರ್ಷಿಕೆ ಇಟ್ಟಿರುವುದೂ ಗೊತ್ತು. ಈಗ ಆ ಚಿತ್ರದ ಹೊಸ ಸುದ್ದಿಯೆಂದರೆ, ಚಿತ್ರದ ಚಿತ್ರೀಕರಣ ಸದ್ದಿಲ್ಲದೆಯೇ ಶುರುವಾಗಿದೆ. ಹೌದು, ಬೆಂಗಳೂರಿನ ಕಂಠೀರವ ಸ್ಟುಡಿಯೋದಲ್ಲಿ ಭರ್ಜರಿ ಸೆಟ್‌ವೊಂದನ್ನು ಹಾಕಿ ಚಿತ್ರೀಕರಿಸಲಾಗುತ್ತಿದೆ.

ಅಂದಹಾಗೆ, ಸೋಮವಾರದಿಂದ “ಸಖತ್‌’ ಚಿತ್ರೀಕರಣ ಶುರುವಾಗಿದ್ದು, ರಿಯಾಲಿಟಿ ಶೋವೊಂದರ ದೃಶ್ಯವನ್ನು ನಿರ್ದೇಶಕ ಸುನಿ ಅವರು ಚಿತ್ರೀಕರಿಸಿಕೊಂಡಿದ್ದಾರೆ. ಗಣೇಶ್‌ ಅವರು ಪಾಲ್ಗೊಂಡಿರುವ ಫೋಟೋವೊಂದು ಹರಿದಾಡುತ್ತಿದ್ದು, ಆ ಫೋಟೋದಲ್ಲಿ ಗಣೇಶ್‌ ಕಲರ್‌ ಪಂಚೆ ತೊಟ್ಟು, ಕಲರ್‌ಫ‌ುಲ್‌ ಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ರಿಯಾಲಿಟಿ ಶೋವೊಂದರ ವೇದಿಕೆ ಮೇಲೆ ನಿಂತಿರುವ ಗಣೇಶ್‌, ಹಾಡು ಹೇಳುತ್ತಿದ್ದಾರೋ, ಅಥವಾ ಮಾತನಾಡುತ್ತಿದ್ದಾರೋ ಎಂಬ ಬಗ್ಗೆ ಕುತೂಹಲವಿದ್ದರೆ, “ಸಖತ್‌’ ಚಿತ್ರ ಬರುವವರೆಗೂ ಕಾಯಬೇಕು.

ಈ ಚಿತ್ರದ ಕುರಿತು ಮಾಹಿತಿ ಕೊಡುವ ನಿರ್ದೇಶಕ ಸುನಿ, “ಇದೊಂದು ರಿಯಾಲಿಟಿ ಶೋ ಕುರಿತಾದ ಕಥೆ ಹೊಂದಿದೆ. ಹಾಗಾಗಿ, ಬಹುತೇಕ ರಿಯಾಲಿಟಿ ಶೋ ಮೇಲೆಯೇ ಸಿನಿಮಾ ಸಾಗಲಿದೆ. ಚಿತ್ರದಲ್ಲಿ ರಿಯಾಲಿಟಿ ಶೋ, ಕೋರ್ಟ್‌ ಹಾಗು ಮನೆ ಕೂಡ ಪ್ರಮುಖ ಪಾತ್ರ ವಹಿಸಲಿವೆ ಎಂದು ಹೇಳುವ ಸುನಿ, ಬಹುತೇಕ ಬೆಂಗಳೂರಲ್ಲೇ ಚಿತ್ರೀಕರಣ ನಡೆಯಲಿದೆ. ಸದ್ಯ, ಗಣೇಶ್‌ ಅವರು “ಗಾಳಿಪಟ 2′ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಆ ಚಿತ್ರದ ಮತ್ತೂಂದು ಹಂತದ ಚಿತ್ರೀಕರಣಕ್ಕೂ ಮುನ್ನ, ಸುನಿ ಅವರು, “ಸಖತ್‌’ ಚಿತ್ರವನ್ನು ಮುಗಿಸುವ ಯೋಜನೆ ಹಾಕಿಕೊಂಡಿದ್ದಾರೆ.

ಅದೇನೆ ಇರಲಿ, “ಸಖತ್‌’ ಎಂಬ ಶೀರ್ಷಿಕೆ ಕೇಳಿದವರಿಗೆ ಪಕ್ಕಾ ಮನರಂಜನೆ ಗ್ಯಾರಂಟಿ ಎಂಬ ನಂಬಿಕೆ ಬಂದೇ ಬರುತ್ತೆ. ಈಗಾಗಲೇ “ಚಮಕ್‌’ ಮೂಲಕ ಸುನಿ ಹಾಗು ಗಣೇಶ್‌ ಅಂಥದ್ದೊಂದು ಸಿನಿಮಾ ಮಾಡಿ ಸೈ ಎನಿಸಿಕೊಂಡಿದ್ದಾರೆ. ಈಗ “ಸಖತ್‌’ ಕೂಡ ಹೊಸದೊಂದು ಕುತೂಹಲ ಮೂಡಿಸಿರುವುದಂತೂ ನಿಜ. ಚಿತ್ರಕ್ಕೆ ಸುರಭಿ ನಾಯಕಿಯಾಗಿದ್ದು, ಅವರಿಗೆ ಇದು ಕನ್ನಡದ ಮೊದಲ ಚಿತ್ರ. ಈಗಾಗಲೇ ಅವರು ಈಗಾಗಲೇ ತಮಿಳು ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇನ್ನು, ಈ ಹಿಂದೆ ಶ್ರೀಮುರಳಿ ಅಭಿನಯದ “ಭರಾಟೆ’ ಚಿತ್ರವನ್ನು ನಿರ್ಮಿಸಿದ್ದ ಸುಪ್ರೀತ್‌ ಅವರು, “ಸಖತ್‌’ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಸುನಿ ಜೊತೆ ಸುಪ್ರೀತ್‌ಗೆ ಮೊದಲ ಸಿನಿಮಾ.