Kannada Serial; ಇಂದಿನಿಂದ ಗಂಗೆ – ಗೌರಿ ದರ್ಶನ

Team Udayavani, Dec 11, 2023, 12:30 PM IST

ಅಕ್ಕ-ತಂಗಿಯರ ಅಪೂರ್ವ ಬಾಂಧವ್ಯದ ಕೌಟುಂಬಿಕ ಕಥಾಹಂದರದ “ಗಂಗೆ ಗೌರಿ’ ಧಾರಾವಾಹಿ ಇಂದಿನಿಂದ ಉದಯ ವಾಹಿನಿಯಲ್ಲಿ ಸಂಜೆ 6.30ಕ್ಕೆ ಪ್ರಸಾರವಾಗಲಿದೆ.

“ಗಂಗೆ ಗೌರಿ’ ಹಸಿರು ಮಲೆನಾಡ ಪುಟ್ಟ ಹಳ್ಳಿಯಲ್ಲಿರುವ ಅಕ್ಕ-ತಂಗಿಯರು. ಮೃದು ಮಾತಲ್ಲೇ ಎಲ್ಲರ ಮನ ಗೆಲ್ಲುವ ಶಾಂತ ಮೃದು ಸ್ವಭಾವದ ಅಕ್ಕ ಗೌರಿ ಒಂದೆಡೆಯಾದರೆ, ಯಾರಿಗೂ ಜಗ್ಗದ, ಮಾತಿಗಿಂತ ಏಟೇ ಸರಿ ಎನ್ನುವ ಹುಡುಗಿ ತಂಗಿ ಗಂಗೆ ಮತ್ತೂಂದು ಕಡೆ. ಇಬ್ಬರ ಸ್ವಭಾವ ಬೇರೆಯಾದರೂ ಒಬ್ಬರನ್ನೊಬ್ಬರು ಅಗಲಿ ಇರಲಾರದಷ್ಟು ಅನ್ಯೋನ್ಯತೆ ಈ ಸೋದರಿಯರದ್ದು. ಇವರ ನಡುವೆ ಹುಡುಗನೊಬ್ಬ ಬಂದರೆ ಏನಾಗಬಹುದು? ಅವರ ಜೀವನದಲ್ಲಿ ಯಾವ ಥರದ ಬದಲಾವಣೆಗಳು ಆಗುತ್ತವೆ? ಎನ್ನುವುದರ ಸುತ್ತ ಕುತೂಹಲ ಭರಿತ ತಿರುವುಗಳ ನಡುವೆ “ಗಂಗೆ ಗೌರಿ’ ಕಥಾಹಂದರ ಸಾಗುತ್ತದೆ.

ವಿನೋದ್‌ ದೋಂಡಾಳೆ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ “ಗಂಗೆ ಗೌರಿ’ ಧಾರಾವಾಹಿಯಲ್ಲಿ ದರ್ಶ್‌ ಚಂದ್ರಪ್ಪ, ಶ್ರೀವಿದ್ಯಾ ಶಾಸ್ತ್ರಿ, ದರ್ಶಿನಿ ಗೌಡ, ರೇಣುಕಾ ಬಾಲಿ, ಹೇಮಾ ಬೆಳ್ಳೂರು, ಅಪೂರ್ವಾ ಭಾರಧ್ವಾಜ್‌, ರೋಹಿತ್‌ ಶ್ರೀನಾಥ್‌, ಅಭಿಜಿತ್‌, ಲಕ್ಷ್ಮೀ ಸಿದ್ದಯ್ಯ ಮತ್ತಿತರರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ.