ಒಳ್ಳೇ ಸಿನಿಮಾ ಮಾಡ್ತಿದ್ದಾರೆ ಸಿ.ವಿ. ಶಿವಶಂಕರ್‌

Team Udayavani, Oct 25, 2017, 10:25 AM IST

ಕನ್ನಡದಲ್ಲಿ ನಾಡು, ನುಡಿ, ಸಂಸ್ಕೃತಿ, ಇತಿಹಾಸದ ಬಗ್ಗೆ ಹೆಚ್ಚು ಹಾಡುಗಳನ್ನು ಬರೆದವರು ಹಿರಿಯ ಗೀತರಚನೆಕಾರರಾದ ಸಿ.ವಿ. ಶಿವಶಂಕರ್‌. ಗೀತರಚನೆಯ ಜೊತೆಗೆ “ಮನೆ ಕಟ್ಟಿ ನೋಡು’, “ಪದವೀಧರ’, “ಮಹಡಿ ಮನೆ’, “ಮಹಾ ತಪಸ್ವಿ’, “ಹೊಯ್ಸಳ’, “ಕನ್ನಡ ಕುವರ’ ಮುಂತಾದ ಚಿತ್ರಗಳನ್ನು ನಿರ್ದೇಶಿಸಿರುವ ಸಿ.ವಿ. ಶಿವಶಂಕರ್‌, ಇದೀಗ ಬಹಳ ವರ್ಷಗಳ ನಂತರ ಹೊಸ ಸಿನಿಮಾವೊಂದನ್ನು ನಿರ್ದೇಶಿಸುತ್ತಿದ್ದಾರೆ.

ಅಂದಹಾಗೆ, ಈ ಚಿತ್ರದ ಹೆಸರೇನು ಗೊತ್ತಾ? “ಒಳ್ಳೇ ಸಿನಿಮಾ’. ಹೌದು, “ಒಳ್ಳೇ ಸಿನಿಮಾ’ ಎಂಬ ಹೆಸರಿನ ಚಿತ್ರವೊಂದನ್ನು ಸಿ.ವಿ. ಶಿವಶಂಕರ್‌ ನಿರ್ದೇಶಿಸಲು ಸಜ್ಜಾಗಿದ್ದಾರೆ. ಈಗಾಗಲೇ ಕಥೆ-ಚಿತ್ರಕಥೆಯ ಕೆಲಸಗಳನ್ನು ಮುಗಿಸಿರುವ ಅವರು ಮುಂದಿನ ತಿಂಗಳು ಚಿತ್ರ ಪ್ರಾರಂಭಿಸಲಿದ್ದಾರೆ. ಈ ಚಿತ್ರವನ್ನು ನಿರ್ದೇಶಿಸುತ್ತಿರುವುದಷ್ಟೇ ಅಲ್ಲ, ಚಿತ್ರದಲ್ಲೊಂದು ಪ್ರಮುಖ ಪಾತ್ರವನ್ನೂ ನಿರ್ವಹಿಸುತ್ತಿದ್ದಾರೆ.

ಈ ಮಧ್ಯೆ, ಅವರ ಮಗ ವೆಂಕಟ್‌ ಭಾರದ್ವಾಜ್‌ ಅವರ ಹೊಸ ಚಿತ್ರ “ಕೆಂಪಿರ್ವೆ’ಗೆ “ಯು/ಎ’ ಪ್ರಮಾಣ ಪತ್ರ ಸಿಕ್ಕಿದ್ದು, ಮುಂದಿನ ತಿಂಗಳು ಚಿತ್ರ ಬಿಡುಗಡೆಯಾಗುವ ಸಾಧ್ಯತೆ ಇದೆ. ಚಿತ್ರದಲ್ಲಿ ದತ್ತಣ್ಣ, ಉಮೇಶ್‌ ಬಣಕಾರ್‌, ಸಯ್ನಾಜಿ ಶಿಂಧೆ ಮುಂತಾದವರು ನಟಿಸಿದ್ದಾರೆ.