ಕನ್ನಡ ಚಿತ್ರಗಳಿಗೆ ಹುಡುಕಿ ಬಂದ ಅದೃಷ್ಟ

Team Udayavani, May 24, 2020, 8:25 PM IST

ಕನ್ನಡದ ಒಂದಷ್ಟು ಸಿನಿಮಾಗಳಿಗೆ ಈಗ ಬೇಡಿಕೆ ಹೆಚ್ಚುತ್ತಿದೆ. ಅದರಲ್ಲೂ ಒಟಿಟಿ ಫ್ಲಾಟ್‌ಫಾರಂ ಸೇರಿದಂತೆ ರಿಮೇಕ್‌ ರೈಟ್ಸ್‌ಗೂ ಹೋಗುತ್ತಿವೆ ಎಂಬುದೇ ಈ ಹೊತ್ತಿನ ವಿಶೇಷ. ಇತ್ತೀಚೆಗಷ್ಟೇ “ರಾಮಾ ರಾಮಾ ರೇ ‘ ಚಿತ್ರಕ್ಕೆ  ಟ್ಯೂಬ್‌ನಲ್ಲಿ ಸಿಕ್ಕಾಪಟ್ಟೆ ಜನ ವೀಕ್ಷಣೆ ಮಾಡಿದ್ದ ಸುದ್ದಿ ಓದಿದ್ದೀರಿ. ಅಷ್ಟೇ ಅಲ್ಲ, ಅದು ಮರಾಠಿ ಭಾಷೆಗೂ ರಿಮೇಕ್‌ ಆಗುತ್ತಿದೆ ಎಂಬ ಸುದ್ದಿಯೂ  ಹೊರಬಿದ್ದಿತ್ತು.

ಈಗ ಹೊಸ ಸುದ್ದಿ ಅಂದರೆ, ಮತ್ತೂಂದು ಕನ್ನಡ ಸಿನಿಮಾಗೂ ಯುಟ್ಯೂಬ್‌ನಲ್ಲಿ  ಸಿಕ್ಕಾಪಟ್ಟೆ ಮೆಚ್ಚುಗೆ ಸಿಕ್ಕಿದೆ.  ಇನ್ನು ಇದರೊಂದಿಗೆ ಈಗಾಗಲೇ ತೆಲುಗು ಡಬ್ಬಿಂಗ್‌ ರೈಟ್ಸ್‌ ಕೂಡ ಮಾರಾಟವಾಗಿದ್ದು, ಸದ್ಯದಲ್ಲೇ ಅದು ಬಿಡುಗಡೆಯಾಗಲಿದೆ. ಅಂದಹಾಗೆ, ಆ ಸಿನಿಮಾದ ಹೆಸರು “ಹಫ್ತಾ’. ಹೌದು, ಈ ಚಿತ್ರ ಹಿಂದಿ ಭಾಷೆಗೂ  ಡಬ್‌ ಆಗಿದ್ದು, ಈಗಾಗಲೇ 7ಮಿಲಿಯನ್‌ ವೀಕ್ಷಣೆ ಪಡೆದಿದ್ದು, ಕನ್ನಡದಲ್ಲಿ 1 ಮಿಲಿಯನ್‌ ವೀಕ್ಷಣೆಯೊಂದಿಗೆ ಮುನ್ನುಗ್ಗುತ್ತಿದೆ. ತೆಲುಗು ಡಬ್ಬಿಂಗ್‌ ಹಕ್ಕು ಜೊತೆಯಲ್ಲಿ ತಮಿಳು ಮತ್ತು ಮಲಯಾಳಂ ರೈಟ್ಸ್‌ ಕುರಿತಂತೆ ಮಾತುಕತೆಯೂ  ನಡೆಯುತ್ತಿದೆ.

ಅಂದಹಾಗೆ, ಈ ಚಿತ್ರಕ್ಕೆ ವರ್ಧನ್‌ ತೀರ್ಥಹಳ್ಳಿ ಹೀರೋ. ಉಳಿದಂತೆ ರಾಘವೇಂದ್ರ, ಇತರರು ನಟಿಸಿದ್ದಾರೆ. ಪ್ರಕಾಶ್‌ ಹೆಬ್ಟಾಳ ನಿರ್ದೇಶನವಿದೆ. ಮೈತ್ರಿ ಮಂಜುನಾಥ್‌, ಬಾಲರಾಜ್‌ ಟಿ.ಸಿ.ಪಾಳ್ಯ ಚಿತ್ರದ ಬೆನ್ನೆಲುಬು. ಸೂರಿ ಸಿನಿಟೆಕ್‌ ಛಾಯಾಗ್ರಹಣವಿದೆ. ಗೌತಮ್‌ ಶ್ರೀವತ್ಸ ಅವರ ಸಂಗೀತವಿದೆ. ಕನ್ನಡದ ಒಂದಷ್ಟು ಹೊಸಬರ ಸಿನಿಮಾಗಳಿಗೆ ಈಗ ಆನ್‌ಲೈನ್‌ ಬೇಡಿಕೆ ಹೆಚ್ಚಿದ್ದು, ಡಬ್ಬಿಂಗ್‌ ರಿಮೇಕ್‌ ರೈಟ್ಸ್‌ಗೂ ಬೇಡಿಕೆ ಹೆಚ್ಚುತ್ತಿರುವುದು ಹೊಸ ಬೆಳವಣಿಗೆ.