ರಿಲೀಸ್ ‌ಆದ ಚಿತ್ರಗಳಿಗೆ ಪ್ರೇಕ್ಷಕರ ಮೆಚ್ಚುಗೆ

Team Udayavani, Dec 1, 2020, 1:43 PM IST

ಕಳೆದ ವಾರ ಮೂರು ಸಿನಿಮಾಗಳು ಬಿಡುಗಡೆಯಾಗಿದ್ದವು. ಅದಕ್ಕಿಂತ ಹಿಂದಿನ ವಾರ ಒಂದು ಸಿನಿಮಾ. ಸದ್ಯಕ್ಕೆ ಹೊಸದಾಗಿ ಬಿಡುಗಡೆಯಾದ ನಾಲ್ಕು ಸಿನಿಮಾಗಳು ಚಿತ್ರಮಂದಿರದಲ್ಲಿವೆ. ಹಾಗಾದರೆ ಈ ನಾಲ್ಕು ಸಿನಿಮಾಗಳಿಗೆ ಪ್ರೇಕ್ಷಕರ ಪ್ರತಿಕ್ರಿಯೆ ಹೇಗಿದೆ ಎಂದು ನೀವು ಕೇಳಬಹುದು. ಒಂದೇ ಮಾತಲ್ಲಿ ಹೇಳಬೇಕಾದರೆ ನಿಧಾನವಾಗಿ ಪ್ರೇಕ್ಷಕ ಮತ್ತೆ ಸಿನಿಮಾದತ್ತ ಆಸಕ್ತಿ

ತೋರಿಸುತ್ತಿದ್ದಾನೆ.ಕಳೆದ ವಾರ ತೆರೆಕಂಡಿರುವ “ಗಡಿಯಾರ’, “ಮುಖವಾಡ’ ಹಾಗೂ “ಅರಿಷಡ್ವರ್ಗ’ ಚಿತ್ರಗಳಿಗೆ ಪ್ರೇಕ್ಷಕ ಮೆಚ್ಚುಗೆ ಸೂಚಿಸಿದ್ದಾನೆ. ಈ ಮೂರು ಸಿನಿಮಾಗಳು ಬೇರೆ ಬೇರೆ ಜಾನರ್‌ಗೆ ಸೇರಿದ ಸಿನಿಮಾಗಳಾಗಿದ್ದು, ಎಲ್ಲಾ ವರ್ಗದ ಪ್ರೇಕ್ಷಕರನ್ನು ಸೆಳೆಯುವ ಪ್ರಯತ್ನ ಮಾಡುತ್ತಿವೆ.

ಇದನ್ನೂ ಓದಿ : ಮತ್ತೂಂದು ಪ್ಯಾನ್‌ ಇಂಡಿಯಾ ಸಿನಿಮಾದತ್ತ ಹೊಂಬಾಳೆ ಫಿಲಂಸ್‌

“ಗಡಿಯಾರ’ ಚಿತ್ರದಕಾಲದಕಥೆ ಹೇಳುತ್ತಾ, ನಿಧಿಯ ಹುಡುಕಾಟವನ್ನು ಹೇಳಿದರೆ, “ಮುಖವಾಡ’ ಮತ್ತೂಂದು ವಿಭಿನ್ನ ಅಂಶಗಳೊಂದಿಗೆ ಮೆಚ್ಚುಗೆ ಪಡೆಯುತ್ತಿದೆ. ಇನ್ನುಕ್ರೈಂ ಥ್ರಿಲ್ಲರ್‌ ಚಿತ್ರವಾಗಿ “ಅರಿಷಡ್ವರ್ಗ’ ಪ್ರೇಕ್ಷಕರ ಕುತೂಹಲ ಹೆಚ್ಚಿಸುತ್ತಿದೆ. ಇದು ಕಳೆದ ಶುಕ್ರವಾರ (ನ.27) ತೆರೆಕಂಡ ಸಿನಿಮಾಗಳಕಥೆಯಾದರೆ, ನವೆಂಬರ್‌20ಕ್ಕೆ ತೆರೆಕಂಡಿರುವ “ಅಕ್ಟ್ 1978′ ಚಿತ್ರ ಭರಪೂರ ಮೆಚ್ಚುಗೆಯೊಂದಿಗೆ ಮುಂದೆ ಸಾಗುತ್ತಿದೆ. ಬೇರೆ ಬೇರೆಕ್ಷೇತ್ರಗಳ ಸೆಲೆಬ್ರೆಟಿಗಳು ಸಿನಿಮಾ ನೋಡಿ, ಇಷ್ಟಪಡುತ್ತಿದ್ದಾರೆ. ಪರಿಣಾಮ ಸಿನಿಮಾ ವೀಕೆಂಡ್‌ನ‌ಲ್ಲಿ ಭರ್ಜರಿ ಪ್ರದರ್ಶನಕಂಡಿದೆ. ಈ ವೀಕೆಂಡ್‌ನ‌ಲ್ಲಿ “ಅಕ್ಟ್1978′ ಚಿತ್ರದ 21ಶೋಗಳು ಹೌಸ್‌ಫ‌ುಲ್‌ ಆಗಿವೆ. ಈ ಮೂಲಕ ದಿನದಿಂದ ದಿನಕ್ಕೆ ಸಿನಿಮಾದತ್ತ ಪ್ರೇಕ್ಷಕ ಒಲವು ತೋರಿಸುತ್ತಿದ್ದಾನೆ. ಇನ್ನು, ಡಿಸೆಂಬರ್‌ನಲ್ಲಿ ಅನೇಕ ಸಿನಿಮಾಗಳು ಬಿಡುಗಡೆಗೆ ಸಿದ್ಧವಾಗಿದ್ದು, ಚಿತ್ರರಂಗ ಮತ್ತಷ್ಟು ಬಿಝಿಯಾಗಲಿದೆ.