ಸುದೀಪ್ ಸೋದರಳಿಯನ ಗ್ರ್ಯಾಂಡ್ ಎಂಟ್ರಿ

Team Udayavani, Jun 28, 2023, 12:47 PM IST

ನಟ ಸುದೀಪ್‌ ಅವರ ಸೋದರಳಿಯ ಸಂಚಿತ್‌ ನಾಯಕರಾಗಿ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟಿದ್ದಾರೆ. ಮೊದಲ ಎಂಟ್ರಿಯಲ್ಲೇ ಸಂಚಿತ್‌ ಎರಡೆರಡು ಜವಾಬ್ದಾರಿ ವಹಿಸಿಕೊಂಡಿದ್ದಾರೆ. ತಮ್ಮ ಡ್ರೀಮ್‌ ಪ್ರಾಜೆಕ್ಟ್ “ಜಿಮ್ಮಿ’ ಚಿತ್ರದಲ್ಲಿ ನಾಯಕರಾಗಿ ನಟಿಸುವ ಜೊತೆಗೆ ನಿರ್ದೇಶನ ಕೂಡಾ ಮಾಡುತ್ತಿದ್ದಾರೆ.

ಕೆಲವು ದಿನಗಳ ಹಿಂದಷ್ಟೇ ಸರಳವಾಗಿ ಮುಹೂರ್ತ ಆಚರಿಸಿಕೊಂಡ ಚಿತ್ರದ ಟೈಟಲ್‌ ಟೀಸರ್‌ ಭಾನುವಾರ ಬಿಡುಗಡೆಯಾಗಿದೆ. ನಟರಾದ ಶಿವರಾಜ್‌ಕುಮಾರ್‌, ರವಿಚಂದ್ರನ್‌ ಟೈಟಲ್‌ ಟೀಸರ್‌ ಬಿಡುಗಡೆ ಮಾಡಿ, ನವನಟನಿಗೆ ಶುಭಕೋರಿದರು.

ಅಂದಹಾಗೆ, “ಜಿಮ್ಮಿ’ ಒಂದು ಕ್ರೈಂ ಥ್ರಿಲ್ಲರ್‌ ಚಿತ್ರವಾಗಿದೆ. ಈ ಚಿತ್ರದ ಒನ್‌ಲೈನ್‌ ಅನ್ನು ಸುದೀಪ್‌ ಅವರು ನೀಡಿದ್ದು, ಅದನ್ನು ಸಂಚಿತ್‌ ಬೆಳೆಸಿ ಈಗ ಚಿತ್ರೀಕರಣ ಹಂತಕ್ಕೆ ಬಂದಿದೆ. ಟೈಟಲ್‌ ಟೀಸರ್‌ ರಿಲೀಸ್‌ನಲ್ಲಿ ಸುದೀಪ್‌ ಅವರ ಇಡೀ ಕುಟುಂಬ ಭಾಗಿಯಾಗಿ “ಜಿಮ್ಮಿ’ ಚಿತ್ರಕ್ಕೆ ಪ್ರೋತ್ಸಾಹ ನೀಡಿತು.

ಅಂದಹಾಗೆ, ಕೆ.ಪಿ.ಶ್ರೀಕಾಂತ್‌, ನವೀನ್‌ ಮನೋಹರನ್‌ ಹಾಗೂ ಪ್ರಿಯಾ ಸುದೀಪ್‌ ಸೇರಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.