ಗುಲಾಲ್‌ ಡಾಟ್‌ ಕಾಂ ಈ ವಾರ ತೆರೆಗೆ

Team Udayavani, Nov 3, 2021, 11:40 AM IST

ಚಿತ್ರರಂಗದಲ್ಲಿ ಮಿಂಚಬೇಕು ಎಂಬ ಕನಸನ್ನು ಹೊತ್ತು ಪ್ರತಿದಿನ ನೂರಾರು ಮಂದಿ ಗಾಂಧಿನಗರಕ್ಕೆ ಅಡಿಯಿಡುತ್ತಿರುತ್ತಾರೆ. ಆದ್ರೆ ಇದರಲ್ಲಿ ಕೆಲವೇ ಕೆಲವು ಮಂದಿಯಷ್ಟೇ ಅಂದುಕೊಂಡಿದ್ದನ್ನು ಸಾಧಿಸಲು ಸಫ‌ಲರಾಗುತ್ತಾರೆ. ಉಳಿದಂತೆ ಗಾಂಧಿನಗರಕ್ಕೆ ಹೀಗೆ ಬಂದವರ ಕಥೆಯೇನು? ಈಗ ಇದೇ ವಿಷಯವನ್ನು ಇಟ್ಟುಕೊಂಡು ಇಲ್ಲೊಂದು ತಂಡ “ಗುಲಾಲ್‌ ಡಾಟ್‌ ಕಾಂ’ ಹೆಸರಿನಲ್ಲಿ ಚಿತ್ರವನ್ನು ತೆರೆಮೇಲೆ ತರುತ್ತಿದೆ.

ಕರ್ನಾಟಕದ ಬೇರೆ ಬೇರೆ ಭಾಗಗಳಿಂದ ಸಿನಿಮಾ ಮಾಡಲು ಬರುವ ಆರು ಜನ ಹುಡುಗರು ಇಲ್ಲಿ ಹೇಗೆ ಹಾದಿ ತಪ್ಪುತ್ತಾರೆ. ಅದರಿಂದ ಏನೇನಾಗುತ್ತದೆ. ಕೊನೆಗೆ ಈ ಸುಳಿಯಿಂದ ಆ ಹುಡುಗರು ಹೊರಗೆ ಬರುತ್ತಾರಾ? ಇಲ್ಲವಾ ಅನ್ನೋದೇ “ಗುಲಾಲ್‌ ಡಾಟ್‌ ಕಾಂ’ ಚಿತ್ರದ ಕಥಾಹಂದರ. ತಬಲ ನಾಣಿ, ಬಿಗ್‌ಬಾಸ್‌ ದಿವಾಕರ್‌, ಜೋಕರ್‌ ಹನುಮಂತು, ಸದಾನಂದ್‌, ಮನು ಜಮಖಂಡಿ, ಶಂಕರ್‌ ಅಂಬಿಕೇರ್‌, ನೇತ್ರಾ ಗಗನ್‌, ಸೋನು ಪಾಟೀಲ್‌, ಪೂಜಾ, ಶೋಭರಾಜ್‌, ಮೋಹನ್‌ ಜುನೇಜಾ ಮೊದಲಾದವರು ಈ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಇದನ್ನೂ ಓದಿ:- ನಿರೂಪಕಿ Manjusha ಬ್ಯೂಟಿಫುಲ್ ಫೋಟೋಸ್

ಶಿವು ಜಮಖಂಡಿ ಕಥೆ, ಚಿತ್ರಕಥೆ, ಸಂಭಾಷಣೆ, ಸಾಹಿತ್ಯ, ಸಂಗೀತ ಮತ್ತು ನಿರ್ದೇಶನ ಮಾಡಿರುವ “ಗುಲಾಲ್‌ ಡಾಟ್‌ ಕಾಂ’ ಚಿತ್ರವನ್ನು “ಜವಾರಿ ಜಂಕ್ಷನ್‌ ಮೂವೀಸ್‌’ ಬ್ಯಾನರ್‌ನಲ್ಲಿ ಡಾ. ಗೋಪಾಲಕೃಷ್ಣ ಹವಾಲ್ದಾರ್‌ ಬಂಡವಾಳ ಹೂಡಿ ನಿರ್ಮಿಸಿದ್ದಾರೆ. ಚಿತ್ರಕ್ಕೆ ಧನಂಜಯ್‌ ಹೆಚ್‌ ಕಾರ್ಯಕಾರಿ ನಿರ್ಮಾಪಕರಾಗಿದ್ದಾರೆ.

ಚಿತ್ರಕ್ಕೆ ಮುಂಜಾನೆ ಮಂಜು ಛಾಯಾಗ್ರಹಣ, ಎಲ್‌.ಆರ್‌ ಶೆಟ್ಟಿ ಸಂಕಲನವಿದೆ. ಚಿತ್ರವನ್ನು ಬೆಂಗಳೂರು, ಮೈಸೂರು, ಚಿಕ್ಕಮಗಳೂರು, ಹುಬ್ಬಳ್ಳಿ ಮೊದಲಾದ ಕಡೆಗಳಲ್ಲಿ ಚಿತ್ರೀಕರಿಸಲಾಗಿದೆ. ಸದ್ಯ ಪ್ರಚಾರ ಕಾರ್ಯಗಳಲ್ಲಿರುವ ಚಿತ್ರತಂಡ ಇದೇ ಶುಕ್ರವಾರ ರಾಜ್ಯಾದ್ಯಂತ ಸುಮಾರು 70ಕ್ಕೂ ಹೆಚ್ಚು ಕೇಂದ್ರಗಳಲ್ಲಿ “ಗುಲಾಲ್‌ ಡಾಟ್‌ ಕಾಂ’ ಚಿತ್ರವನ್ನು ಬಿಡುಗಡೆ ಮಾಡುತ್ತಿದೆ.