ಸದ್ಯದಲ್ಲೇ ಹ್ಯಾಪಿ ನ್ಯೂ ಇಯರ್‌ ಮೊದಲ ಪ್ರತಿ

Team Udayavani, Feb 20, 2017, 12:19 PM IST

ವನಜ ಪಾಟೀಲ್‌ ನಿರ್ಮಾಣದ “ಹ್ಯಾಪಿ ನ್ಯೂ ಇಯರ್‌’ ಚಿತ್ರ ಇದೀಗ ರೀರೆಕಾರ್ಡಿಂಗ್‌ ಹಂತ ತಲುಪಿದೆ. ಇತ್ತೀಚಿಗೆ ಚಿತ್ರದ ಮಾತುಗಳ ಜೋಡಣೆ ಮುಗಿಸಿದ್ದಾರೆ ನಿರ್ದೇಶಕ ಪನ್ನಗಭರಣ. ಪನ್ನಗ ಭರಣ ಪ್ರಕಾರ ಜೀವನ
ಎಂಬುದು ಒಂದು ನಿರಂತರ ಪಯಣ.

ಬದುಕಿನ ಪ್ರತಿ ಕ್ಷಣ ನಮ್ಮ ಜೀವನದ ಗತಿಯನ್ನು ನಿರ್ಧರಿಸುತ್ತದೆ. ಮುಖವಾಡ ಧರಿಸಿ ಬದುಕುವುದೇ ಹೆಚ್ಚು. ಈ ಚಿತ್ರ ಅಂತಹ ಐದು ವ್ಯಕ್ತಿಗಳ ಚಿತ್ರಣವನ್ನು ಈ ಸಿನಿಮಾದಲ್ಲಿ ಹೇಳಿದ್ದಾರಂತೆ.

ಇದೊಂದು ಹಾಸ್ಯಮಯ ಸಂಪೂರ್ಣ ಮನರಂಜನೆ ನೀಡುವ ಚಿತ್ರ ಜೊತೆಗೆ ಬಹು ತಾರಗಣದ ಚಿತ್ರ ಸಹ. ವಿಜಯ ರಾಘವೇಂದ್ರ, ದಿಗಂತ್‌, ಧನಂಜಯ್‌, ಬಿ ಸಿ ಪಾಟೀಲ್‌, ಸಾಯಿಕುಮಾರ್‌, ಶ್ರುತಿ ಹರಿಹರನ್‌, ಸೋನು ಗೌಡ, ಸುಧಾರಾಣಿ, ಸೃಷ್ಟಿ ಪಾಟೀಲ್‌ ,ಮಾಳವಿಕ ಅವಿನಾಶ್‌, ರಾಕ್ಲೈನ್‌ ವೆಂಕಟೇಶ್‌, ಕಡ್ಡಿಪುಡಿ ಚಂದ್ರು, ತಬಲಾ ನಾಣಿ, ರಾಜು ತಾಳಿಕೋಟೆ, ರಾಜಶ್ರೀ ಪೊನ್ನಪ್ಪ, ಮಾರ್ಗರೀಟ ಪಾತ್ರವರ್ಗದಲ್ಲಿ ಇದ್ದಾರೆ.