ಬೇರೆ ಹೀರೋಯಿನ್ಸ್‌ಗೆ ಸಿಗದಂಥ ಪಾತ್ರ ನನಗೆ ಸಿಕ್ಕಿದೆ : ಹರಿಪ್ರಿಯಾ

Team Udayavani, Nov 10, 2021, 8:27 AM IST

ನಟಿ ಹರಿಪ್ರಿಯಾ ‘ತಾಯಿ ಕಸ್ತೂರ್‌ ಬಾ’ ಸಿನಿಮಾದಲ್ಲಿ ನಟಿಸುತ್ತಿರೋದು ನಿಮಗೆ ಗೊತ್ತೇ ಇದೆ. ಈ ಚಿತ್ರದಲ್ಲಿ ಹರಿಪ್ರಿಯಾ ಮಹಾತ್ಮಾ ಗಾಂಧೀಜಿ ಪತ್ನಿ ಕಸ್ತೂರ್‌ ಬಾ ಅವರ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಮೂರು ಶೇಡ್‌ನಲ್ಲಿ ಹರಿಪ್ರಿಯಾ ನಟಿಸಿದ್ದು, ಇತ್ತೀಚೆಗೆ ಆ ಗೆಟಪ್‌ ಅನ್ನು ರಿವೀಲ್‌ ಮಾಡಿದ್ದಾರೆ.

ಯುವ, ಮಧ್ಯ ಹಾಗೂ ವಯಸ್ಸಾದ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ಬರಗೂರು ರಾಮಚಂದ್ರಪ್ಪ ನಿರ್ದೇಶನ ಮಾಡಿದ್ದಾರೆ. “ನನ್ನ ಜನರೇಶನ್‌ನ ಬೇರೆ ಹೀರೋಯಿನ್ಸ್‌ಗೆ ಸಿಗದಂಥ ಅಪರೂಪದ ಪಾತ್ರ ಈ ಸಿನಿಮಾದಲ್ಲಿ ನನಗೆ ಸಿಕ್ಕಿದೆ.

ಹೊಸಥರದ ಪಾತ್ರಗಳನ್ನು ಬಯಸುವ ನನಗೆ, ಈ ಕಥೆ ಮತ್ತು ಪಾತ್ರ ಎರಡೂ ತುಂಬ ಇಷ್ಟವಾಯ್ತು. ಒಬ್ಬ ತಾಯಿಯಾಗಿ, ಹೆಂಡತಿಯಾಗಿ, ಸ್ವತಂತ್ರ್ಯ ಹೋರಾಟಗಾರರಾಗಿ ಕಸ್ತೂರ್‌ಬಾ ಅವರ ಬೇರೆ ಬೇರೆ ವ್ಯಕ್ತಿತ್ವಗಳ ಪರಿಚಯ ಇಲ್ಲಿದೆ ಎಂದು ಹರಿಪ್ರಿಯಾ ಹೇಳಿಕೊಂಡಿದ್ದಾರೆ.