ಹಿಂದಿ ರಾಷ್ಟ್ರೀಯ ಭಾಷೆ ಅಲ್ಲ: ಕಿಚ್ಚ  ಸುದೀಪ್‌

Team Udayavani, Apr 26, 2022, 3:01 PM IST

“ಹಿಂದಿ ರಾಷ್ಟ್ರೀಯ ಭಾಷೆ ಅಲ್ಲ…’ – ಹೀಗೆ ನೇರವಾಗಿ ಹೇಳಿದವರು ಸುದೀಪ್‌. ಈ ಮಾತು ಹೇಳಲು ಕಾರಣ ಸದ್ಯ ಸ್ಯಾಂಡಲ್‌ವುಡ್‌ನಲ್ಲಿ ಸದ್ದು ಮಾಡುತ್ತಿರುವ ಪ್ಯಾನ್‌ ಇಂಡಿಯಾ ಚಿತ್ರಗಳು.

ಇತ್ತೀಚೆಗಷ್ಟೇ ಬಿಡುಗಡೆಯಾದ “ಕೆಜಿಎಫ್-2′ ಸಾಲಿಗೆ ರಾಮ್‌ಗೋಪಾಲ್‌ ವರ್ಮಾ ಹಾಗೂ ಉಪೇಂದ್ರ ನಟನಯ “ಐಯಾಮ್‌ ಆರ್‌’ ಸಿನಿಮಾ ಕೂಡಾ ಸೇರುತ್ತದೆ. ಈ ಸಿನಿಮಾದ ಟೈಟಲ್‌ ಲಾಂಚ್‌ಗೆ ಆಗಮಿಸಿದ ಸುದೀಪ್‌ ಪ್ಯಾನ್‌ ಇಂಡಿಯಾ ಕುರಿತಾಗಿ ಮಾತನಾಡಿದರು.

ಇದನ್ನೂ ಓದಿ:‘ಐ ಯಾಮ್‌ ಆರ್‌’ ಎಂಬ ಗ್ಯಾಂಗ್‌ಸ್ಟಾರ್‌

ಸ್ಯಾಂಡಲ್‌ವುಡ್‌ ಈಗ ಪ್ಯಾನ್‌ ಇಂಡಿಯಾದಲ್ಲಿ ಸದ್ದು ಮಾಡುತ್ತಿದೆ ಎಂಬ ನಿರೂಪಕಿಯ ಮಾತಿಗೆ ಕೂಡಲೇ ಪ್ರತಿಕ್ರಿಯಿಸಿದ ಸುದೀಪ್‌, “ಪ್ಯಾನ್‌ ಇಂಡಿಯಾ ಸಿನಿಮಾವನ್ನು ಕನ್ನಡದಲ್ಲಿ ಮಾಡಲಾಗಿದೆ ಎಂದು ಹೇಳಿದ್ದೀರಿ. ನಾನು ಒಂದು ಸಣ್ಣ ಕರೆಕ್ಷನ್‌. ಹಿಂದಿ ಈಗ ರಾಷ್ಟ್ರೀಯ ಭಾಷೆಯಾಗಿ ಉಳಿದಿಲ್ಲ. ಬಾಲಿವುಡ್‌ ಮಂದಿ ಈಗ ಪ್ಯಾನ್‌ ಇಂಡಿಯಾ ಚಿತ್ರಗಳನ್ನು ಮಾಡಿ ಅದನ್ನು ಎಲ್ಲಾ ಕಡೆ ಬಿಡುಗಡೆ ಮಾಡಲು ಪ್ರಯತ್ನಿಸುತ್ತಿದ್ದಾರೆ. ಆದರೆ, ಅದು ಸಾಧ್ಯವಾಗುತ್ತಿಲ್ಲ. ಆದರೆ, ಈಗ ನಮ್ಮ ಚಿತ್ರ ಎಲ್ಲಾ ಭಾಷೆಗಳಿಗೂ ಹೋಗುತ್ತಿವೆ’ ಎಂದರು.