ಕೆಜಿಎಫ್‌ ನ ಮುಂದಿನ ಭಾಗಗಳಲ್ಲಿ ರಾಕಿಭಾಯ್‌ ಪಾತ್ರವನ್ನು ಬೇರೆ ಹೀರೋ ಮಾಡಬಹುದು: ಹೊಂಬಾಳೆ ನಿರ್ಮಾಪಕ

Team Udayavani, Jan 9, 2023, 4:12 PM IST

ಬೆಂಗಳೂರು: ಸ್ಯಾಂಡಲ್‌ ವುಡ್‌ ಸಿನಿರಂಗದತ್ತ ತಿರುರಿ ನೋಡುವಂತೆ ಮಾಡಿದ ʼಕೆಜಿಎಫ್‌ʼ, ʼಕೆಜಿಎಫ್-2‌ʼ ಸಿನಿಮಾ ರಾಕಿಂಗ್‌ ಸ್ಟಾರ್‌ ಯಶ್‌ ಕೆರಿಯರ್‌ ನಲ್ಲಿ ದೊಡ್ಡ ಟರ್ನಿಂಗ್‌ ಪಾಯಿಂಟ್. ಪ್ಯಾನ್‌ ಇಂಡಿಯಾ ಮಟ್ಟದಲ್ಲಿ ಕೆಜಿಎಫ್‌ ಸರಣಿ ಸೃಷ್ಟಿಸಿದ ಹವಾ ಒಂದೆರೆಡಲ್ಲ. ಕೆಜಿಎಫ್‌ ಚಾಪ್ಟರ್‌ -3 ಗಾಗಿ ಸಿನಿ ಪ್ರೇಕ್ಷಕರು ಕಾಯುತ್ತಿದ್ದಾರೆ.

ಬ್ಯಾಟ್‌ ಟು ಬ್ಯಾಕ್‌ ಹಿಟ್‌ ಚಿತ್ರಗಳನ್ನು ನೀಡಿರುವ ಹೊಂಬಾಳೆ ಫಿಲ್ಮ್ಸ್‌, ಇತ್ತೀಚೆಗೆ ಸಿನಿಮಾ ಕ್ಷೇತ್ರದಲ್ಲಿ ಮುಂದಿನ 5 ವರ್ಷದಲ್ಲಿ 3 ಸಾವಿರ ಕೋಟಿಯನ್ನು ಹೂಡಿಕೆ ಮಾಡುವುದಾಗಿ ಹೇಳಿದೆ. ವಿಜಯ್‌ ಕಿರಗಂದೂರು ಸಿನಿಮಾ ವೆಬ್‌ ಸೈಟ್‌ ವೊಂದರ ಜೊತೆ ಕೆಜಿಎಫ್‌ -3 ಸಿನಿಮಾದ ಬಗ್ಗೆ ಮಾತಾನಾಡಿದ್ದಾರೆ.

ಪ್ರಶಾಂತ್‌ ನೀಲ್‌ ಬ್ಯುಸಿ ಇರುವುದರಿಂದ ಕೆಜಿಎಫ್‌ -3 ಸಿನಿಮಾದ ಪ್ರೀ ಪ್ರೂಡಕ್ಷನ್ಸ್‌ ಕೆಲಸ ಆರಂಭವಾಗಿಲ್ಲ. ಶೀಘ್ರದಲ್ಲಂತೂ ಸಿನಿಮಾ ಆರಂಭವಾಗುವುದಿಲ್ಲ. ʼಕೆಜಿಎಫ್-3‌ʼ 2025 ರಲ್ಲಿ ಆರಂಭವಾಗುವ ಸಾಧ್ಯತೆಯಿದೆ ಎಂದಿದ್ದಾರೆ.

ಕೆಜಿಎಫ್‌ -3  ರ ಬಳಿಕವೂ ಸಿನಿಮಾದ ಫ್ರಾಂಚೈಸಿ ಮುಂದುವೆರಯುವ ಸಾಧ್ಯತೆಯಿದೆ. 5 ಭಾಗಗಳ ಬಳಿಕವೂ ಕೆಜಿಎಫ್‌ ಬರಬಹುದು. ಜೇಮ್ಸ್‌ ಬಾಂಡ್‌ ಸರಣಿಯಲ್ಲಿ ನಾಯಕರು ಬದಲಾಗುವ ಹಾಗೆ ಕೆಜಿಎಫ್‌ ಮುಂದಿನ ಪಾರ್ಟ್‌ ಗಳಲ್ಲಿ  ರಾಕಿಭಾಯ್‌ ಪಾತ್ರವನ್ನು  ಬೇರೊಬ್ಬ ಹೀರೋ ನಿಭಾಯಿಸುವ ಸಾಧ್ಯತೆಯಿದೆ ಎಂದಿದ್ದಾರೆ.

202 ರಲ್ಲಿ ಸಿನಿಮಾ ತೆರೆಗೆ ಬರಬಹುದು ಎಂದಿದ್ದಾರೆ.