ಶಶಾಂಕ್‌ ಸಿನಿಮಾಸ್‌ ಕಚೇರಿಗೆ ಚಾಲನೆ

Team Udayavani, Sep 26, 2017, 10:27 AM IST

ನಿರ್ದೇಶಕ ಶಶಾಂಕ್‌ ಇದೀಗ ಹೊಸ ನಿರ್ಮಾಣ ಸಂಸ್ಥೆಯನ್ನು ಆರಂಭಿಸಿದ್ದಾರೆ. ಶಶಾಂಕ್‌ ಸಿನಿಮಾಸ್‌ ಎಂಬ ಹೆಸರಿನ ಈ ಸಂಸ್ಥೆಯ ಕಚೇರಿಗೆ ಹಿರಿಯ ಸಂಗೀತ ನಿರ್ದೇಶಕ ಹಂಸಲೇಖ ಅವರು ಚಾಲನೆ ನೀಡಿದರು. ಮಹಾಲಕ್ಷ್ಮೀ ಲೇಔಟ್‌ನಲ್ಲಿ ಶುರುವಾದ ಹೊಸ ಕಚೇರಿಗೆ ನಾಯಕ ಅಜೇಯ್‌ ರಾವ್‌, ರಿಷಿ, ದಿಲೀಪ್‌ ಪ್ರಕಾಶ್‌ ಮತ್ತು ನಿರ್ಮಾಪಕರಾದ ಉದಯ್‌ ಮೆಹ್ತಾ, ಜಿ. ಗಂಗಾಧರ್‌ ಇತರರು ಆಗಮಿಸಿ, ಶಶಾಂಕ್‌ ಮತ್ತು ತಂಡಕ್ಕೆ ಶುಭ ಹಾರೈಸಿದ್ದಾರೆ.

ಶಶಾಂಕ್‌ ಸಿನಿಮಾಸ್‌ ಈಗಾಗಲೇ ಮೂರು ಚಿತ್ರಗಳ ನಿರ್ಮಾಣಕ್ಕೆ ಸಿದ್ಧತೆ ನಡೆಸಿದೆ. ಅಜೇಯ್‌ ರಾವ್‌ ಅಭಿನಯದ “ತಾಯಿಗೆ ತಕ್ಕ ಮಗ’ ನವಂಬರ್‌ನಲ್ಲಿ ಶುರುವಾದರೆ, ರಿಷಿ ಅಭಿನಯದ ಚಿತ್ರ ಮುಂದಿನ ವರ್ಷ ಏಪ್ರಿಲ್‌ಗೆ ಶುರುವಾಗಲಿದೆ. ಈ ಎರಡೂ ಚಿತ್ರಗಳನ್ನು ಹೊಸ ನಿರ್ದೇಶಕರು ನಿರ್ದೇಶಿಸಲಿದ್ದಾರೆ. ಇನ್ನು, “ಕ್ರೇಜಿಬಾಯ್‌’ ದಿಲೀಪ್‌ ಪ್ರಕಾಶ್‌ ಚಿತ್ರಕ್ಕೆ ಶಶಾಂಕ್‌ ನಿರ್ದೇಶಕರು.