ಗೋಕರ್ಣ ಸುತ್ತಮುತ್ತ ವೀಕ್‌ ಎಂಡ್‌ ಹಾಡು

Team Udayavani, Dec 24, 2018, 3:55 PM IST

ಮಂಜುನಾಥ್‌. ಡಿ ಅವರು ನಿರ್ಮಿಸುತ್ತಿರುವ “ವೀಕ್‌ ಎಂಡ್‌’ ಚಿತ್ರಕ್ಕಾಗಿ ಕವಿರಾಜ್‌ ಅವರು ಬರೆದಿರುವ “ಮೊದಲ ಸಲ ನಿನ್ನ ನೋಟಕ್ಕೆ ಮರುಳಾದೆ. ಮೊದಲ ಸಲ ನಿನ್ನ ನೋಟಕ್ಕೆ ಶರಣಾದೆ’ ಎಂಬ ಹಾಡಿನ ಚಿತ್ರೀಕರಣ ಗೋಕರ್ಣ, ಕುಮುಟ, ಅಂಕೋಲ, ಕಾರವಾರದ ಸುಂದರ
ಪರಿಸರದಲ್ಲಿ 5ದಿನಗಳ ಕಾಲ ನಡೆದಿದೆ.

ಮನು ನೃತ್ಯ ನಿರ್ದೇಶನ ಮಾಡಿದ ಈ ಹಾಡಿನ ಚಿತ್ರೀಕರಣದಲ್ಲಿ ನಾಯಕ ಮಿಲಿಂದ್‌ ಹಾಗೂ ನಾಯಕಿ ಸಂಜನಾ ಬುರ್ಲಿ ನಟಿಸಿದ್ದಾರೆ. ಶೃಂಗೇರಿ ಸುರೇಶ್‌ ನಿರ್ದೇಶನದ ಈ ಚಿತ್ರಕ್ಕೆ ಶಶಿಧರ್‌ ಅವರ ಛಾಯಾಗ್ರಹಣದೆ. ಮನೋಜ್‌ ಸಂಗೀತ ನಿರ್ದೇಶನ, ರುದ್ರೇಶ್‌ ಸಂಕಲನ, ಬಾಬು ಖಾನ್‌ ಕಲಾ ನಿರ್ದೇಶನವಿದೆ. ಚಿತ್ರದಲ್ಲಿ ಹಿರಿಯ ನಟ ಅನಂತನಾಗ್‌, ಗೋಪಿನಾಥ್‌ ಭಟ್‌, ಮಂಜುನಾಥ್‌, ನಾಗಭೂಷಣ್‌, ನೀನಾಸಂ ರಘು, ನವನೀತ, ನಟನ ಪ್ರಶಾಂತ್‌, ನೀತು ಬಾಲಾ ಸೇರಿದಂತೆ ಅನೇಕರು ನಟಿಸುತ್ತಿದ್ದಾರೆ.