ಶಿವನ ನಂಬಿ ಬಂದವರು

Team Udayavani, Jan 6, 2020, 12:50 PM IST

ಕನ್ನಡದಲ್ಲಿ ಹೊಸಬರ ಆಗಮನ ಹೆಚ್ಚುತ್ತಿದೆ ಆ ಸಾಲಿಗೆ “ಶಿವ’ ಸಿನಿಮಾ ತಂಡವೂ ಸೇರಿದೆ. ಈ ಚಿತ್ರವನ್ನು ರಘು ವಿಜಯ ಕಸ್ತೂರಿ ನಿರ್ದೇಶನ ಮಾಡಿದ್ದಾರೆ. ಇದು ಇವರಿಗೆ ಮೊದಲ ಚಿತ್ರ. ಕಥೆ, ಚಿತ್ರಕಥೆ ಹಾಗೂ ಸಂಭಾಷಣೆ ಜವಾಬ್ದಾರಿಯನ್ನೂ ಹೊತ್ತಿದ್ದಾರೆ. ಜೊತೆಗೆ ತೆರೆ ಮೇಲೆ ಕಾಣಿಸಿಕೊಂಡಿದ್ದಾರೆ. ಚಿತ್ರಕ್ಕೆ ಮೈಸೂರಿನ ಧರಣಿ ನಾಯಕಿಯಾಗಿದ್ದಾರೆ.

ಖಳನಟನಾಗಿ ನಿಶಾಂತ್‌ ಕಾಣಿಸಿಕೊಂಡರೆ, ಉಳಿದಂತೆ ಹೊಸ ಪ್ರತಿಭೆಗಳಾದ ವಿಕ್ರಂ ಯಶೋಧರ, ಪಾಲಳ್ಳಿ ಉಮೇಶ್‌, ಸತೀಶ್‌, ರಂಜನ್‌ ಶೆಟ್ಟಿ, ಭೂಪತಿ, ಚೇತನ್‌ ರಾವ್‌, ಮಂಜು, ಉಮೇಶ್‌ ಕೋಟೆ, ಬೇಬಿ ಸಾನ್ವಿ, ಗೀತಾ, ಭವ್ಯ, ಲಾವಣ್ಯ, ರಕ್ಷಿತ್‌, ರೋಹಿತ್‌, ಲೋಕಿ, ಪಾಟಕಿ, ಮಣಿ ನಟಿಸಿದ್ದಾರೆ. ಪಾಲಳ್ಳಿ , ಶ್ರೀರಂಗಪಟ್ಟಣದಲ್ಲಿ ಚಿತ್ರೀಕರಿಸಲಾಗಿದೆ. ಮಂಡ್ಯ ಭಾಷೆ ಚಿತ್ರದಲ್ಲಿದೆ. ರಘು ಮಾತುಗಳನ್ನು ಪೋಣಿಸಿದ್ದಾರೆ. ಇದೊಂದು ಹಳ್ಳಿಯಲ್ಲಿ ನಡೆಯುವ ನವಿರಾದ ಪ್ರೇಮಕಥೆ ಹೊಂದಿದೆ.

ಇದೊರಂದಿಗೆ ಲೋಕಲ್‌ ರೌಡಿಸಂ ಮತ್ತು ಲೋಕಲ್‌ ಪಾಲಿಟಿಕ್ಸ್‌ ಕೂಡ ಇದೆ. ನಿರ್ದೇಶಕರು ಇದಕ್ಕೂ ಮುನ್ನ ಕಿರುಚಿತ್ರ ನಿರ್ದೇಶಿಸಿದ ಅನುಭವ ಇದೆ. ರಂಗಭೂಮಿ ಕಲಾವಿದರ ಜೊತೆ ಸೇರಿ ಈ ಚಿತ್ರ ಮಾಡಿದ್ದು, ಇಷ್ಟರಲ್ಲೇ ಬಿಡುಗಡೆಯಾಗಲಿದೆ.