ನವೆಂಬರ್‌ನಲ್ಲಿ ಕೆಂಪಿರ್ವೆ

Team Udayavani, Oct 29, 2017, 10:34 AM IST

ಒಬ್ಬ ಸಾಮಾನ್ಯ ಮನುಷ್ಯ ಮನಸ್ಸು ಮಾಡಿದರೆ ಏನು ಬೇಕಾದರೂ ಸಾಧನೆ ಮಾಡಬಲ್ಲ ಎಂಬ ಸಂದೇಶ ಹೊಂದಿರುವ “ಕೆಂಪಿರ್ವೆ’ ಚಿತ್ರವು ತನ್ನೆಲ್ಲಾ  ಕೆಲಸಗಳನ್ನು ಮುಗಿಸಿಕೊಂಡು ಬಿಡುಗಡೆಗೆ ಸಿದ್ದವಾಗಿದೆ. ಇತ್ತೀಚೆಗೆ ಸೆನ್ಸಾರ್‌ ಮಂಡಳಿಯ ಮುಂದೆ ಪ್ರದರ್ಶನಗೊಂಡ “ಕೆಂಪಿರ್ವೆ’ ಚಿತ್ರಕ್ಕೆ ಮಂಡಳಿಯಿಂದ ಯು/ಎ ಪ್ರಮಾಣ ಪತ್ರ ದೊರೆತಿದೆ.

ವೆಂಕಟ್‌ ಭಾರದ್ವಾಜ್‌ ಈ ಚಿತ್ರದ ಕಥೆ, ಚಿತ್ರಕತೆ ರಚಿಸಿ ಆಕ್ಷನ್‌-ಕಟ್‌ ಹೇಳಿದ್ದಾರೆ. ಕಿಶನ್‌ ಅವರ ಸಂಗೀತ ಸಂಯೋಜನೆ, ನರೇಂದ್ರಬಾಬು, ಲಕ್ಷ್ಮಣ್‌ ಶಿವಶಂಕರ್‌, ಮಹೇಶ್‌ ಅವರ ಸಾಹಿತ್ಯ ವಿಶ್ವಾಸ್‌ ಅವತಿ ಕ್ಯಾಮೆರಾ ವರ್ಕ್‌, ಚಂದನ್‌ ಸಂಕಲನ ಈ ಚಿತ್ರಕ್ಕಿದೆ. ಅಮೃತ ಫಿಲಂ ಸೆಂಟರ್‌ ಬ್ಯಾನರ್‌ ಅಡಿಯಲ್ಲಿ ನಿರ್ಮಾಣವಾಗಿರುವ ಈ ಚಿತ್ರದ ಸಹ ನಿರ್ಮಾಪಕರಾಗಿ ರಾಜ್‌ಕುಮಾರ್‌, ವಿವೇಕ್‌, ಅನಿತಾ ನವೀನ್‌, ಪ್ರಶಾಂತ್‌, ಸಂಜೀವ್‌ ಕೆಲಸ ಮಾಡಿದ್ದಾರೆ.

ಹಿರಿಯ ನಾಗರೀಕನ ಪಾತ್ರದಲ್ಲಿ ದತ್ತಣ್ಣ ಅವರು ನಟಿಸಿದ್ದರೆ, ಸಯ್ನಾಜಿ ಶಿಂಧೆ ಖಳನಾಯಕನಾಗಿ ಅಭಿನಯಿಸಿದ್ದಾರೆ. ಉಮೇಶ್‌ ಬಣಕಾರ್‌, ಶ್ರೇಯಾ, ರಾಜ್‌ ಬಹದ್ದೂರ್‌, ರೂಪ ಹೆಗ್ಡೆ ಸುನಿಲ್‌ ಉಳಿದ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರ ಮುಂದಿನ ತಿಂಗಳ ಎರಡನೇ ವಾರ ತೆರೆಕಾಣುವ ಸಾಧ್ಯತೆಯಿದೆ.