ಸೋಶಿಯಲ್‌ ಮೀಡಿಯಾಗಳಲ್ಲಿ ಕೆಜಿಎಫ್-2 ಮೇಕಿಂಗ್‌ ಸ್ಟಿಲ್ಸ್‌ ವೈರಲ್

Team Udayavani, Oct 10, 2020, 1:22 PM IST

ಇದೇ ಅ.8 ರಿಂದ “ಕೆಜಿಎಫ್-2′ ಚಿತ್ರದ ಕೊನೆಯ ಹಂತದ ಚಿತ್ರೀಕರಣ ಆರಂಭವಾಗಿದೆ. ಸದ್ಯ ಉಡುಪಿಯ ಮಲ್ಪೆ ಸಮೀಪದಕಡಲ ಕಿನಾರೆಯಲ್ಲಿ ಚಿತ್ರದ ದೃಶ್ಯಗಳನ್ನು ಚಿತ್ರತಂಡ ಸೆರೆಹಿಡಿಯುತ್ತಿದೆ. ಈ ಚಿತ್ರೀಕರಣದಲ್ಲಿ ನಟ ಯಶ್‌ ಮತ್ತು ನಟಿ ಶ್ರೀನಿಧಿ ಶೆಟ್ಟಿ ಸೇರಿದಂತೆ ಪ್ರಮುಖ ಕಲಾವಿದರು ಭಾಗಿಯಾಗಿದ್ದಾರೆ.

ಆದರೆ ಚಿತ್ರೀಕರಣ ನಡೆಯುತ್ತಿರು ವಂತೆಯೇ, ಚಿತ್ರದಕೆಲವು ಚಿತ್ರೀಕರಣದ ಫೋಟೋಗಳು ಲೀಕ್‌ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್‌ ಆಗಿವೆ. ಮಲ್ಪೆಯ ಬೀಚ್‌ ಬದಿಯಲ್ಲಿ ನಡೆಯುತ್ತಿರುವ “ಕೆಜಿಎಫ್ -2′ ಶೂಟಿಂಗ್‌ನಲ್ಲಿ ಯಶ್‌ ಬಿಳಿ ಬಣ್ಣದ ಫಾರ್ಮಲ್ಸ್ ನಲ್ಲಿ ಮತ್ತು ನಾಯಕಿ ಶ್ರೀನಿಧಿ ಶೆಟ್ಟಿಕಪ್ಪು, ಹಸಿರು ಬಣ್ಣದ ಕಾಸ್ಟ್ಯೂಮ್‌ನಲ್ಲಿಕಾಣಿಸಿಕೊಂಡಿದ್ದು, ಇಬ್ಬರು ಮಾತನಾಡುತ್ತಿರುವ ದೃಶ್ಯ ಇದಾಗಿದೆ.

ಹತ್ತಾರು ಕಾರುಗಳು ಸುತ್ತುವರೆದಿದ್ದು, ಚಿತ್ರದ ಫೈಟ್ಸ್‌ ಸನ್ನಿವೇಶ ಇರಬಹುದು ಎನ್ನುವುದು ಅಭಿಮಾನಿಗಳ ಅಂದಾಜು. ಇನ್ನು “ಕೆಜಿಎಫ್-2′ ಚಿತ್ರದ ಚಿತ್ರೀಕರಣದ ವೇಳೆ ಸ್ಥಳದಲ್ಲಿ ಅಪಾರ ಸಂಖ್ಯೆಯ ಅಭಿಮಾನಿಗಳು ಬಂದು ಜಮಾಯಿಸುತ್ತಿದ್ದು, ಜನರನ್ನು ನಿಯಂತ್ರಿಸಲು ಪೊಲೀಸರು, ಬೌನ್ಸರ್‌ಗಳು ಹರಸಾಹಸ ಪಡುತ್ತಿದ್ದಾರೆ. ಚಿತ್ರದ ಬಿಡುಗಡೆಗೂ ಮೊದಲೇ ಯಾವುದೇ ದೃಶ್ಯಗಳು ಲೀಕ್‌ ಆಗಬಾರದು ಎಂದು ಚಿತ್ರತಂಡ ಸಾಕಷ್ಟು ಕ್ರಮಗಳನ್ನು ಕೈಕೊಂಡಿದ್ದರೂ, ಒಂದಿಷ್ಟು ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು ಚಿತ್ರತಂಡಕ್ಕೆ ಇದನ್ನು ತಡೆಯುವುದು ಸವಾಲಾಗಿದೆ ಪರಿಣಮಿಸಿದೆ.