200 ಮಿಲಿಯನ್ ವೀಕ್ಷಣೆ ಪಡೆದ ಕೆಜಿಎಫ್ –ಚಾಪ್ಟರ್ 2 ಟೀಸರ್ !

Team Udayavani, Jul 16, 2021, 4:11 PM IST

ಬೆಂಗಳೂರು : ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್ -2 ಚಿತ್ರದ ಟೀಸರ್ ಹೊಸ ದಾಖಲೆಯೊಂದನ್ನು ಬರೆದಿದೆ. ಇದುವರೆಗೆ 200 ಮಿಲಿಯನ್ ವೀಕ್ಷಣೆಯಾಗಿದೆ.

ಪ್ರಶಾಂತ್ ನೀಲ್ ನಿರ್ದೇಶನದ ಬಿಡುಗಡೆಗೆ ಸಿದ್ದವಾಗಿರುವ ಕೆಜಿಎಫ್-ಚಾಪ್ಟರ್ 2 ಸಿನಿಮಾ ಸಿನಿ ರಸಿಕರಲ್ಲಿ ಭಾರೀ ನಿರೀಕ್ಷೆ ಮೂಡಿಸಿದೆ. ಈ ಸಿನಿಮಾದ ಫೋಟೊ ಹಾಗೂ ಟೀಸರ್ ನ್ನು ಅಭಿಮಾನಿಗೆ ಬಿಗಿದಪ್ಪಿಕೊಂಡು ಅಪಾರ ಪ್ರೀತಿ ತೋರಿಸಿದ್ದಾರೆ. ಕನ್ನಡ ಸಿನಿ ರಸಿಕರ ಪ್ರೀತಿಯ ಫಲವಾಗಿ ಈ ಚಿತ್ರದ ಟೀಸರ್ 200 ಮಿಲಿಯನ್ ವೀಕ್ಷಣೆಯಾಗಿದೆ.

ಈ ಸಂತಸದ ವಿಷಯನ್ನು ಫೇಸ್ ಬುಕ್ ನಲ್ಲಿ ಹಂಚಿಕೊಂಡಿರುವ ನಿರ್ದೇಶಕ ಪ್ರಶಾಂತ್ ನೀಲ್, ಈ ನಿಮ್ಮ ಅಭಿಮಾನ-ಪ್ರೀತಿಗೆ ಧನ್ಯವಾದಗಳು ಎಂದಿದ್ದಾರೆ.

ಇನ್ನು ರಾಕಿಂಗ್ ಸ್ಟಾರ್ ಯಶ್ ರಾಕಿ ಭಾಯ್ ಆಗಿ ನಟಿಸಿರುವ ಕೆಜಿಎಫ್-ಚಾಪ್ಟರ್ 2 ಸಿನಿಮಾ ಶೀಘ್ರದಲ್ಲೇ ತೆರೆಗೆ ಬರಲಿದೆ. ಬಾಲಿವುಡ್ ಹಿರಿಯ ನಟ ಸಂಜಯ್ ದತ್ ಮುಖ್ಯ ಪಾತ್ರದಲ್ಲಿ ನಟಿಸಿರುವುದು ಈ ಸಿನಿಮಾದ ಮೇಲಿನ ನಿರೀಕ್ಷೆಗಳನ್ನು ಇಮ್ಮಡಿಗೊಳಿಸಿದೆ. ರವಿ ಬಸ್ರೂರ್ ಅವರ ಸಂಗೀತ ಚಿತ್ರಕ್ಕೆ ಮತ್ತಷ್ಟು ಕಿಕ್ ನೀಡಿರುವುದು ಟೀಸರ್ ಮೂಲಕ ಸಾಬೀತಾಗಿದೆ. ಇನ್ನೆನ್ನಿದ್ದರೂ ತೆರೆ ಮೇಲೆ ಕೆಜಿಎಫ್ ಅಬ್ಬರ ನೋಡುವುದೊಂದೆ ಬಾಕಿ ಇದೆ.

You gangsters are just the craziest!!!
Thank you for making our monster unstoppable and fearless ?#KGF2Teaser200MViewshttps://t.co/Bmoh4Tz9Ry pic.twitter.com/9HEWFernhf

— Prashanth Neel (@prashanth_neel) July 16, 2021