ಕೋಟೇಶ್ವರ: ಫೆ.26ರಂದು ಮಾಡರ್ನ್ ಮಹಾಭಾರತ ಸಿನಿಮಾ ರಿಲೀಸ್

Team Udayavani, Feb 25, 2021, 6:22 PM IST

ಕುಂದಾಪುರ: ಎಸ್ .ವಿ.ಫಿಲ್ಮ್ ಪ್ರೊಡಕ್ಷನ್ ಅವರ ಚೊಚ್ಚಲ ಸಿನಿಮಾ “ಮಾಡರ್ನ್ ಮಹಾಭಾರತ” ಶುಕ್ರವಾರ(ಫೆ.26, 2021) ಕೋಟೇಶ್ವರದ ಭಾರತ್ ಸಿನಿಮಾಸ್ ನಲ್ಲಿ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ತಿಳಿಸಿದೆ.

ಮಾಡರ್ನ್ ಮಹಾಭಾರತ ಸಿನಿಮಾ ಉಡುಪಿ, ಮಣಿಪಾಲ, ಮಂಗಳೂರಿನ ಭಾರತ್ ಸಿನಿಮಾಸ್ ಮಲ್ಟಿಪ್ಲೆಕ್ಸ್ ಥಿಯೇಟರ್ ಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಚಿತ್ರದ ನಿರ್ದೇಶಕ ಶ್ರೀಧರ್ ಉಡುಪ ತಿಳಿಸಿದ್ದಾರೆ.

ಮಾಡರ್ನ್ ಮಹಾಭಾರತ ಬಿಡುಗಡೆಗೂ ಮುನ್ನವೇ ಮೂರು ಅಂತಾರಾಷ್ಟ್ರೀಯ ಪ್ರಶಸ್ತಿಗಳನ್ನು ಪಡೆದಿತ್ತು. ಇದೊಂದು ಸಾಂಸಾರಿಕ ಜಂಜಾಟದ ಮೂರು ಸಂಸಾರಗಳ ಕಥಾ ಹಂದರವನ್ನು ಹೊಂದಿರುವ ಚಿತ್ರವಾಗಿದೆ.

ಚಿತ್ರದ ಕಲಾ ನಿರ್ದೇಶಕರಾಗಿ ನೀನಾಸಂ ಶಿವಶಂಕರ್, ಛಾಯಾಗ್ರಾಹಕರಾಗಿ ನವೀನ್ ಸೂರ್ಯ, ಸಂಕಲನಕಾರರಾಗಿ ಉಮೇಶ್ ಆರ್.ಬಿ ಕಾರ್ಯನಿರ್ವಹಿಸಿದ್ದಾರೆ. ಹಿರಿಯ ನಟ ಮಂಜುನಾಥ್ ಹೆಗಡೆ, ಪ್ರಕಾಶ್ ಹೆಗ್ಗೋಡು, ನಂಜುಂಡ ಮೈಮ್, ತುಳು ಚಿತ್ರ ನಟಿ ರಂಜಿತಾ ಶೇಟ್, ಡ್ರಾಮಾ ಜ್ಯೂನಿಯರ್ಸ್ ಖ್ಯಾತಿಯ ಮಾ.ಆದಿತ್ಯ ಮುಖ್ಯ ಭೂಮಿಕೆಯಲ್ಲಿದ್ದಾರೆ.