ಲೈಫ್ 360 ಡಿಗ್ರಿ ಸಿನಿಮಾದ ಟ್ರೇಲರ್‌ ಬಂತು!

Team Udayavani, Jan 19, 2017, 11:31 AM IST

ಸದ್ದಿಲ್ಲದೆ, “ಲೈಫ್ 360 ಡಿಗ್ರಿ’ ಎಂಬ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿದೆ. ಈ “ಲೈಫ್ 360 ಡಿಗ್ರಿ’ ಚಿತ್ರದ ಕಥೆ-ಚಿತ್ರಕಥೆ ಬರೆದು ನಿರ್ದೇಶಿಸಿರುವುದು ಅರ್ಜುನ್‌. ಅಷ್ಟೇ ಅಲ್ಲ, ಈ ಚಿತ್ರಕ್ಕೆ ಹೀರೋ ಸಹ ಅವರೇ. ಇನ್ನು ಅನೂಷಾ ಮತ್ತು ಪಾಯಲ್‌ ನಾಯಕಿಯರಾಗಿ ನಾಯಕಿಯರಾಗಿ ಅಭಿನಯಿಸಿದ್ದಾರೆ. ರಾಜಶೇಖರ್‌ ಎನ್ನುವವರು ಈ ಚಿತ್ರ ನಿರ್ಮಿಸುವ ಮೂಲಕ, ಚಿತ್ರರಂಗಕ್ಕೆ ಬಂದಿದ್ದಾರೆ.

ಈಗಾಗಲೇ ಚಿತ್ರದ ಕೆಲಸಗಳೆಲ್ಲಾ ಮುಗಿದು, ಚಿತ್ರ ಬಿಡುಗಡೆಯ ಹಂತಕ್ಕೆ ಬಂದಿದೆ. ಈ ಹಂತದಲ್ಲಿ ಚಿತ್ರದ ಟ್ರೇಲರ್‌ ಬಿಡುಗಡೆ ಮಾಡಿದೆ. “ಲೂಸಿಯಾ’ ಖ್ಯಾತಿಯ ಪವನ್‌ ಕುಮಾರ್‌ ಅವರಿಂದ ಟ್ರೇಲರ್‌ ಬಿಡುಗಡೆ ಮಾಡಿಸಲಾಗಿದೆ. ಈ ಚಿತ್ರವನ್ನು ಕ್ರೌಡ್‌ ಫ‌ಂಡಿಂಗ್‌ ಮೂಲಕ ಆರಂಭಿಸಿದ್ದಾಗಿ ಹೇಳುತ್ತಾರೆ ಅರ್ಜುನ್‌. ಅರ್ಧ ಚಿತ್ರ ಮುಗಿದ ನಂತರ ದುಡ್ಡು ಖಾಲಿ ಆಗಿದೆ. ಮುಂದೇನು ಎಂದು ಹುಡುಕುತ್ತಿದ್ದಾಗ, ಅವರಿಗೆ ರಾಜಶೇಖರ್‌ ಸಿಕ್ಕಿದ್ದಾರೆ.

ರಾಜಶೇಖರ್‌ ಚಿತ್ರವನ್ನು ಮುಂದುವರೆಸುವ ಆಶ್ವಾಸನೆಯನ್ನು ನೀಡಿ, ಮುಂದೆ ಬಂದ ನಂತರ ಚಿತ್ರದ ಕೆಲಸಗಳು ಮುಗಿದಿವೆ. ಒಮ್ಮ ಯುವಕ ಪ್ರಯಾಣದಲ್ಲಿ ಹೇಗೆ ತನ್ನ ಜೀವನವನ್ನು ಕಂಡುಕಕೊಳ್ಳುತ್ತಾರೆ ಎಂದು ಈ ಚಿತ್ರದಲ್ಲಿ ಹೇಳಲಾಗಿದೆಯಂತೆ. ಈ ಜರ್ನಿ ಮುಗಿಯುವ ಹೊತ್ತಿಗೆ ಅವರನ ಜೀವನ ಒಂದು ಸುತ್ತು ಬರುತ್ತದಂತೆ.

ಅದೇ ಕಾರಣಕ್ಕೆ ಚಿತ್ರಕ್ಕೆ “ಲೈಫ್ 360 ಡಿಗ್ರಿ’ ಎಂಬ ಹೆಸರನ್ನು ಈ ಚಿತ್ರಕ್ಕೆ ಇಡಲಾಗಿದೆ. “ಲೈಫ್ 360 ಡಿಗ್ರಿ’ ಚಿತ್ರವನ್ನು ಕರ್ನಾಟಕದ ಸುಮಾರು 20 ಜಿಲ್ಲೆಗಳಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಇದುವರೆಗೂ ತೋರಿಸದ ಪ್ರದೇಶಗಳಲ್ಲಿ ಚಿತ್ರೀಕರಣ ಮಾಡುವುದಾಗಿ ಹೇಳುತ್ತಾರೆ. ಚಿತ್ರಕ್ಕೆ ಮಹಂತ್‌ ನೀಲ್‌ ಮತ್ತು ಪ್ರಜ್ವಲ್‌ ಅವರ ಸಂಗೀತವಿದೆ.