ಬಿಡುಗಡೆಯ ಹೊಸ್ತಿಲಲ್ಲಿ ಡಾರ್ಲಿಂಗ್ ಕೃಷ್ಣ-ಮಿಲನಾ ನಾಗರಾಜ್ ಅಭಿನಯದ `ಲವ್ ಮೊಕ್ಟೈಲ್’

Team Udayavani, Jan 30, 2020, 3:46 PM IST

‘ಮದರಂಗಿ’ ಚಿತ್ರ ಖ್ಯಾತಿಯ ನಟ ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನ ನಾಗರಾಜ್ ಅಭಿನಯದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಚಿತ್ರ ‘ಲವ್ ಮೊಕ್ಟೈಲ್’ ಇದೇ ಶುಕ್ರವಾರ ತೆರಗೆ ಬರ್ತಿದೆ. ಡಾರ್ಲಿಂಗ್ ಕೃಷ್ಣ ತಾವೇ ಕಥೆ, ಚಿತ್ರಕಥೆ ಬರೆದು ಡೈರೆಕ್ಟರ್ ಕ್ಯಾಪ್ ತೊಟ್ಟಿರುವ ಚಿತ್ರ ಲವ್ ಮೊಕ್ಟೈಲ್. ಲವರ್ ಬಾಯ್ ಆಗಿ ಮೂರು ಶೇಡ್ನಲ್ಲಿ ಕೃಷ್ಣ ಅಭಿನಯಿಸಿದ್ದಾರೆ. ಎಲ್ಲೆಡೆ ಸಖತ್ ಬಝ್ ಕ್ರಿಯೇಟ್ ಮಾಡಿರುವ ಈ ಚಿತ್ರದ ಗೆಲುವಿನ ನಿರೀಕ್ಷೆಯಲ್ಲಿದ್ದಾರೆ ಡಾರ್ಲಿಂಗ್ ಕೃಷ್ಣ.

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ ದನಿಯಲ್ಲಿ ಬಿಡುಗಡೆಯಾಗಿರುವ ಟ್ರೈಲರ್ ಎಲ್ಲರನ್ನು ಸಖತ್ ಇಂಪ್ರೆಸ್ ಮಾಡಿದ್ದು, ಸಿನಿಮಾ ಬಿಡುಗಡೆಯನ್ನೇ ಎದುರು ನೋಡುತ್ತಿದ್ದಾರೆ ಸಿನಿರಸಿಕರು. ರೆಗ್ಯುಲರ್ ಲವ್ ಸ್ಟೋರಿಯನ್ನೇ ಹೊಸತನದಲ್ಲಿ ಹೇಳ ಹೊರಟಿರೋ ಕೃಷ್ಣ ಪ್ರಯತ್ನಕ್ಕೆ ಎಲ್ಲರು ಬೆನ್ನು ತಟ್ಟಿದ್ದಾರೆ.

ಶ್ರೀ ಕೇಜಿಮೈಂಡ್ಸ್ ಸಿನಿಮಾಟೋಗ್ರಫಿ, ರಘು ದೀಕ್ಷಿತ್ ಮ್ಯೂಸಿಕ್ ಲವ್ ಮೊಕ್ಟೈಲ್ ಚಿತ್ರಕ್ಕಿದೆ. ಆಫ್ಟರ್ ವೆರಿ ಲಾಂಗ್ ಟೈಮ್ ರಘು ದೀಕ್ಷಿತ್ ಸಂಗೀತದಲ್ಲಿ ಒಂದೊಳ್ಳೆ ಆಲ್ಬಂ ಲವ್ ಮೊಕ್ಟೈಲ್ ಚಿತ್ರದಿಂದ ಸಿಕ್ಕಿದೆ ಅಂದ್ರೆ ತಪ್ಪಾಗೋದಿಲ್ಲ. ಬೆಂಗಳೂರು, ಮೈಸೂರು, ಕಳಸ, ಚಿಕ್ಕಮಗಳೂರು, ಉಡುಪಿಯ ಸುಂದರ ಲೋಕೇಷನ್ಗಳಲ್ಲಿ ಚಿತ್ರವನ್ನು ಸೆರೆ ಹಿಡಿಯಲಾಗಿದೆ. ಡಾರ್ಲಿಂಗ್ ಕೃಷ್ಣ, ಮಿಲನ ನಾಗರಾಜ್ ಚಿತ್ರದ ನಿರ್ಮಾಣ ಜವಾಬ್ದಾರಿಯನ್ನು ಹೊತ್ತುಕೊಂಡಿದ್ದಾರೆ. ಸೆನ್ಸಾರ್ನಲ್ಲಿ ಯು/ಎ ಸರ್ಟಿಪೀಕೇಟ್ ಪಡೆದು ಪಾಸ್ ಆಗಿರೋ ಲವ್ ಮೊಕ್ಟೈಲ್ ಚಿತ್ರ ಇದೇ ತಿಂಗಳ 31ಕ್ಕೆ ಗ್ರ‍್ಯಾಂಡ್ ರಿಲೀಸ್ ಆಗ್ತಿದೆ.