“ನಾನು ಪ್ರಾಕ್ಟಿಕಲ್ ಗರ್ಲ್..” ಮೇಘಶ್ರೀ ಹೇಳಿದ ಮನಸಿನ ಮಾತು

Team Udayavani, Feb 23, 2022, 12:29 PM IST

ನಟಿ ಮೇಘಶ್ರಿ ಈಗ ಹ್ಯಾಪಿ ಮೂಡ್‌ನ‌ಲ್ಲಿದ್ದಾರೆ. ಅದಕ್ಕೆ ಕಾರಣ ಈ ವಾರ ಬಿಡುಗಡೆಯಾಗುತ್ತಿರುವ ಅವರ “ಮನಸಾಗಿದೆ’ ಸಿನಿಮಾ.

ಹೌದು, “ಮನಸಾಗಿದೆ’ ಈ ವರ್ಷ ಬಿಡುಗಡೆಯಾಗುತ್ತಿರುವ ಮೇಘಶ್ರೀ ಅಭಿನಯದ ಮೊದಲ ಸಿನಿಮಾ. ಹಾಗಾಗಿ ಈ ಸಿನಿಮಾದ ಮೇಲೆ ಅವರಿಗೆ ಸಾಕಷ್ಟು ಕುತೂಹಲ, ನಿರೀಕ್ಷೆ ಎಲ್ಲವೂ ಇದೆ. ಇನ್ನು “ಮನಸಾಗಿದೆ’ ಚಿತ್ರದಲ್ಲಿ ಯುವನಟ ಅಭಯ್‌ ನಾಯಕ ನಟನಾಗಿ ಬೆಳ್ಳಿತೆರೆಗೆ ಪರಿಚಯವಾಗುತ್ತಿದ್ದಾರೆ. ಚಿತ್ರದಲ್ಲಿ ನಾಯಕನಿಗೆ ಮೇಘಶ್ರೀ ಮತ್ತು ಅಥಿರಾ ಇಬ್ಬರು ನಾಯಕಿಯರಾಗಿ ಜೋಡಿಯಾಗಿದ್ದಾರೆ.

“ಮನಸಾಗಿದೆ’ ಚಿತ್ರದ ಬಗ್ಗೆ ಮಾತನಾಡುವ ಮೇಘಶ್ರೀ, “ನಿರ್ದೇಶಕರು, ನಿರ್ಮಾಪಕರು ಮತ್ತು ಇಡೀ ಟೀಮ್‌ ತುಂಬ ಪ್ಲಾನಿಂಗ್‌ ಆಗಿ ಈ ಸಿನಿಮಾವನ್ನು ಶುರು ಮಾಡಿದ್ದರು. ಅದರಂತೆ, ಅಂದುಕೊಂಡ ಸಮಯಕ್ಕೆ ಸರಿಯಾಗಿ “ಮನಸಾಗಿದೆ’ ಸಿನಿಮಾ ರಿಲೀಸ್‌ ಆಗುತ್ತಿದೆ. ಈ ಸಿನಿಮಾದಲ್ಲಿ ನಾನು ಕಾಲೇಜ್‌ ಹುಡುಗಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ಲವ್‌ಗಿಂತ ಲೈಫ್ನಲ್ಲಿ ಸೆಟಲ್‌ ಆಗೋದು ಮುಖ್ಯ, ಏನಾದ್ರೂ ಅಚೀವ್‌ ಮಾಡೋದು ಮುಖ್ಯ ಅಂಥ ಅಂದುಕೊಂಡಿರುವ ಕ್ಯಾರೆಕ್ಟರ್‌ ಪ್ಲೇ ಮಾಡಿದ್ದೇನೆ. ತುಂಬಾ ಪ್ರಾಕ್ಟಿಕಲ್‌ ಆಗಿ ಯೋಚಿಸುವ ಕಾಲೇಜ್‌ ಹುಡುಗಿ ಹೇಗಿರುತ್ತಾಳೆ ಅನ್ನೋದನ್ನ ನನ್ನ ಕ್ಯಾರೆಕ್ಟರ್‌ ನಲ್ಲಿ ನೋಡಬಹುದು’ ಎಂದು ತಮ್ಮ ಪಾತ್ರ ಪರಿಚಯ ಮಾಡಿಕೊಳ್ಳುತ್ತಾರೆ.

ಇದನ್ನೂ ಓದಿ:ಲಂಕಾ ವಿರುದ್ಧದ ಟಿ20 ಸರಣಿಯಿಂದ ಹೊರಬಿದ್ದ ಸೂರ್ಯಕುಮಾರ್, ದೀಪಕ್ ಚಾಹರ್

“ಇಂದಿನ ಯೂಥ್ಸ್ಗೆ ಇಷ್ಟವಾಗುವಂಥ ಹೊಸಥರದ ಕಥೆ ಈ ಸಿನಿಮಾದಲ್ಲಿದೆ. ಈ ಸಿನಿಮಾದಲ್ಲಿ ಕೆಲಸ ಮಾಡಿದ್ದು, ನನಗೂ ತುಂಬ ಖುಷಿ ಕೊಟ್ಟಿದೆ. ಹೊಸ ಹೀರೋ ಅಭಯ್‌ ಸಿನಿಮಾದಲ್ಲಿ ತಮ್ಮ ಕ್ಯಾರೆಕ್ಟರ್‌ನ ತುಂಬ ಚೆನ್ನಾಗಿ ನಿರ್ವಹಿಸಿದ್ದಾರೆ. ಸಿನಿಮಾದ ಲೊಕೇಶನ್ಸ್‌, ಮೇಕಿಂಗ್‌, ಮ್ಯೂಸಿಕ್‌ ಎಲ್ಲವೂ ಆಡಿಯನ್ಸ್‌ಗೆ ಒಂದು ಹೊಸ ಅನುಭವ ಕೊಡುತ್ತದೆ. “ಮನಸಾಗಿದೆ’ ಸಿನಿಮಾದ ಮೇಲೆ ನನಗೂ ಸಾಕಷ್ಟು ನಿರೀಕ್ಷೆ ಇದೆ’ ಎಂಬುದು ಮೇಘಶ್ರೀ ಮಾತು.

ಈಗಾಗಲೇ ಬಿಡುಗಡೆಯಾಗಿರುವ “ಮನಸಾಗಿದೆ’ ಚಿತ್ರದ ಟ್ರೇಲರ್‌ ಮತ್ತು ಹಾಡುಗಳಿಗೆ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿರುವುದರಿಂದ, ಥಿಯೇಟರ್‌ನಲ್ಲೂ “ಮನಸಾಗಿದೆ’ ಪ್ರೇಕ್ಷಕರ ಮನಸ್ಸು ಗೆಲ್ಲಲಿದೆ ಎಂಬ ಭರವಸೆಯಲ್ಲಿದೆ ಚಿತ್ರತಂಡ