ಹೊಸಬರ ‘ಮಾಸ್ಟರ್‌  ಮೈಂಡ್‌’

Team Udayavani, Jul 15, 2021, 11:00 AM IST

ಹೊಸ ಪ್ರತಿಭೆಗಳೇ ಸೇರಿಕೊಂಡು “ಮಾಸ್ಟರ್‌ ಮೈಂಡ್‌’ ಎನ್ನುವ ಮೂವತ್ತೆರಡು ನಿಮಿಷದ ಚಿತ್ರವೊಂದನ್ನು ಸಿದ್ದಪಡಿಸಿದ್ದಾರೆ. ಕತೆ, ಚಿತ್ರಕತೆ, ಸಂಭಾಷಣೆ, ಸಾಹಿತ್ಯ ಮತ್ತು ನಿರ್ದೇಶನದ ಜವಾಬ್ದಾರಿಯನ್ನು ಎ.ವಿ.ಸುರೇಶ್‌ ಹೊತ್ತುಕೊಂಡಿದ್ದಾರೆ.

ತಮ್ಮ “ಮಾಸ್ಟರ್‌ಮೈಂಡ್‌’ ಬಗ್ಗೆ ಮಾತನಾಡಿದ ನಿರ್ದೇಶಕರು, “ಚಿತ್ರರಂಗದಲ್ಲಿ ಮೊದಲ ಬಾರಿಗೆ ವಿನೂತನ ಪ್ರಯತ್ನವಿದು. ಪ್ರೊಡ್ನೂಸರ್‌ ಪ್ರೋಮೋ ಮೂವೀ ಜಾನರ್‌ ಶುರು ಮಾಡಲಾಗಿದೆ. ಹೊಸಬರು ಚಿತ್ರ ಮಾಡಿದ ನಂತರ ಏನು ಮಾಡಬೇಕು, ಯಾರಿಗೆ ತೋರಿಸಬೇಕು ಇತ್ಯಾದಿ ಗೊಂದಲದಲ್ಲಿ ಇರುತ್ತಾರೆ. ಅಂತಹವರು ಈ ತರಹದ ಪ್ರೋಮೋ ಮಾಡಿ ಯೂ ಟ್ಯೂಬ್‌ನಲ್ಲಿ ಅಪ್‌ಲೋಡ್‌ ಮಾಡಬಹುದು’ ಎಂದರು.

ಇದನ್ನೂ ಓದಿ:ಮತ್ತೆ ಒಂದಾದ ಯಜಮಾನ ತಂಡ: ದರ್ಶನ್‌ ಡಿ 55 ಸಿನಿಮಾ ಅನೌನ್ಸ್‌

ತಾರಾಗಣದಲ್ಲಿ ಅನಂತು ವಾಸುದೇವ್‌, ಹಿಮಾಮೋಹನ್‌, ಬಲರಾಂ, ಎ.ವಿ.ಸುರೇಶ್‌, ನಿಹಾಲ್‌ ಗೌಡ, ಸದಾನಂದ ಗೌಡ, ಕುಶಾಲ್‌ ಮುಂತಾದವರು ನಟಿಸಿದ್ದಾರೆ. ಲಲಿತ್‌ಕ್ರಿಶ್‌ ಸಂಗೀತ, ಸಾವದ್‌ ಛಾಯಾಗ್ರಹಣ, ಹರೀಶ್‌-ಕೃಷ್ಣ ಸಂಕಲನ ಕಿರುಚಿತ್ರಕ್ಕಿದೆ. ಬೆಂಗಳೂರು, ದೇವನಹಳ್ಳಿ ಕಡೆಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಅಶೋಕ್‌. ಎನ್‌.ಶಿಂಧೆ ನಿರ್ಮಾಣದಲ್ಲಿ ಮೂಡಿಬಂದಿದೆ