ಮೇ 12 ವಿಜಯ್‌ ಪ್ರಕಾಶ್‌ ಡೇ

Team Udayavani, Jun 18, 2019, 3:00 AM IST

ಗಾಯಕ ವಿಜಯ ಪ್ರಕಾಶ್‌ ಖುಷಿಯಾಗಿದ್ದಾರೆ. ಅವರ ಖುಷಿಗೆ ಕಾರಣ ಪರದೇಶದ ಮಂದಿ ನೀಡಿದ ಗೌರವ, ಸನ್ಮಾನ. ಅದು ಅಂತಿಂಥ ಗೌರವವಲ್ಲ, ಮೇ 12 ನ್ನು ವಿಜಯ ಪ್ರಕಾಶ್‌ ಡೇ ಎಂದು ಘೋಷಿಸಿದಂತಹ ಗೌರವ.

ಹೌದು, ಮೇನಲ್ಲಿ ವಿಜಯ ಪ್ರಕಾಶ್‌ ಅಮೆರಿಕಾದ ಕಾನ್ಕಾರ್ಡ್‌ ಸಿಟಿಗೆ ತೆರಳಿ ಅಲ್ಲಿನ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದರು. ತಮ್ಮ ಅದ್ಭುತ ಕಂಠದ ಮೂಲಕ ಅಲ್ಲಿನ ಮಂದಿಯನ್ನು ರಂಜಿಸಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ವಿಜಯ ಪ್ರಕಾಶ್‌ ಅವರ ಹಾಡು ಕೇಳಿ ಮನಸೋತ ಕಾನ್ಕಾರ್ಡ್‌ ಸಿಟಿಯ ಮೇಯರ್‌ ವಿಲಿಯಂ, ಮೇ 12 ನ್ನು ವಿಜಯ ಪ್ರಕಾಶ್‌ ಡೇ ಎಂದು ಘೋಷಿಸಿಯೇ ಬಿಟ್ಟರು. ಈ ಮೂಲಕ ಕನ್ನಡದ ಗಾಯಕನಿಗೆ ಅಮೆರಿಕಾದಲ್ಲಿ ದೊಡ್ಡ ಗೌರವ ಸಿಕ್ಕಂತಾಗಿದೆ.

ಅಮೆರಿಕಾದ ಮೇಯರ್‌ ನೀಡಿದ ಈ ಗೌರವದಿಂದ ಖುಷಿಯಾಗಿರುವ ವಿಜಯ ಪ್ರಕಾಶ್‌, ಮುಂದಿನ ದಿನಗಳಲ್ಲಿ ಸಂಗೀತ ಕುರಿತು ಇನ್ನಷ್ಟು ಕೆಲಸ ಮಾಡುವ, ಅನೇಕ ಮಕ್ಕಳಿಗೆ ಪಾಠ ಮಾಡುವ ಉದ್ದೇಶವಿಟ್ಟುಕೊಂಡಿದ್ದಾರೆ.