ಶಿವಣ್ಣ ಜೊತೆ ಮೆಹ್ರೀನ್‌ ಡ್ಯುಯೆಟ್‌

Team Udayavani, Jul 22, 2021, 12:16 PM IST

ಶಿವರಾಜ್‌ ಕುಮಾರ್‌ ನಾಯಕರಾಗಿ ಅಭಿನಯಿಸಲಿರುವ 124 ನೇ ಚಿತ್ರಕ್ಕೆ ಪರಭಾಷಾ ನಟಿ ಮೆಹ್ರೀನ್‌ ಪಿರ್ಜಾಡಾ ನಾಯಕಿಯಾಗಿದ್ದಾರೆ. ಎಫ್2 ಹಾಗೂ ಪಟಾಸ್‌ ಚಿತ್ರಗಳಲ್ಲಿ ನಟಿಸಿರುವ ಮೆಹ್ರೀನ್‌, ಸದ್ಯ ಅನಿಲ್‌ ರವಿಪುಡಿ ಅವರ ಎಫ್3 ಚಿತ್ರದಲ್ಲಿ ಬಿಝಿಯಾಗಿದ್ದಾರೆ.

ಚಿತ್ರದ ಕಥೆ ಇಷ್ಟಪಟ್ಟಿರುವ ಮೆಹ್ರೀನ್‌, ತಾವು ಈ ಚಿತ್ರದಲ್ಲಿ ನಟಿಸುವುದಾಗಿ ಹೇಳಿದ್ದಾರಂತೆ. ಅಂದಹಾಗೆ, ಇದು ಔಟ್‌ ಅಂಡ್‌ ಔಟ್‌ ಲವ್‌ ಸ್ಟೋರಿ ಚಿತ್ರವಾಗಿದೆ.

ಇದನ್ನೂ ಓದಿ:ಮತ್ತೆ ಕೋಟಿಗೊಬ್ಬನತ್ತ ಸುದೀಪ್: ಡಬ್ಬಿಂಗ್‌ ಶುರು ಮಾಡಿದ ಕಿಚ್ಚ

ಬಾಲಶ್ರೀ ರಾಮ್‌ ಸ್ಟುಡಿಯೋಸ್‌ ಲಾಂಛನದಲ್ಲಿ ಸ್ವಾತಿ ವನಪಲ್ಲಿ, ಶ್ರೀಕಾಂತ್‌ ದುಲಿಪುಡಿ ಹಾಗೂ ನಾರಾಲ ಶ್ರೀನಿವಾಸ ರೆಡ್ಡಿ ನಿರ್ಮಿಸುತ್ತಿರುವ ರಾಮ್‌ ದುಲಿಪುಡಿ ನಿರ್ದೇಶನದ ಈ ಚಿತ್ರದ ಚಿತ್ರೀಕರಣ ಆಗಸ್ಟ್‌ನಲ್ಲಿ ಆರಂಭವಾಗಲಿದೆ. ಖ್ಯಾತ ನಟರಾದ ನಾಜರ್‌, ಸಂಪತ್‌ ಹಾಗೂ ಮಂಗ್ಲಿ ಸಹ ಈ ಚಿತ್ರದ ಮುಖ್ಯ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ಸದ್ಯ ಶಿವರಾಜ್‌ಕುಮಾರ್‌ ತಮ್ಮ123ನೇ ಚಿತ್ರ “ಬೈರಾಗಿ’ಯಲ್ಲಿ ನಟಿಸುತ್ತಿದ್ದು,ಕೊನೆಯ ಹಂತದ ಚಿತ್ರೀಕರಣ ನಡೆಯುತ್ತಿದೆ. ಈ ಚಿತ್ರವನ್ನು ವಿಜಯ್‌ ಮಿಲ್ಟನ್‌ ನಿರ್ದೇಶಿಸುತ್ತಿದ್ದು,ಕೃಷ್ಣ ಸಾರ್ಥಕ್‌ ನಿರ್ಮಿಸುತ್ತಿದ್ದಾರೆ.