Kannada Cinema; ರಜಿನಿ ಗೆಳೆಯನ ‘ಶಿವಾಜಿ ಬಹದ್ದೂರ್’ ಗೆ ಮುಹೂರ್ತ

Team Udayavani, Nov 19, 2023, 3:22 PM IST

ರಜಿನಿಕಾಂತ್‌ ಅವರ ಗೆಳೆಯ ರಾಜ್‌ ಬಹದ್ದೂರ್‌ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿರುವ “ಶಿವಾಜಿ ಬಹದ್ದೂರ್‌’ ಸಿನಿಮಾದ ಮುಹೂರ್ತ ಇತ್ತೀಚೆಗೆ ನಡೆಯಿತು. ಆರೋನ್‌ ಕಾರ್ತಿಕ್‌ ಈ ಚಿತ್ರದ ನಿರ್ದೇಶಕರು. ಶಿವಪೂರ್ಣ ಹಾಗೂ ಮುತ್ತುರಾಜ್‌ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.

ಶಿವಾಜಿ ಬಹದ್ದೂರ್‌ ಎಂದರೆ ಎರಡು ಪಾತ್ರಗಳ ಹೆಸರು. ನಮ್ಮ ಚಿತ್ರದಲ್ಲಿ ಶಿವಾಜಿ ಎಂಬುದು ಪ್ರಧಾನ ಮಂತ್ರಿ ಪಾತ್ರದ ಹೆಸರು. ಬಹದ್ದೂರ್‌ ಎಂದರೆ ಮುಖ್ಯಮಂತ್ರಿ ಪಾತ್ರದ ಹೆಸರು. ಶಿವಾಜಿ ಪಾತ್ರದ ಧ್ವನಿ ಮಾತ್ರ ಸಿನಿಮಾದಲ್ಲಿ ಕೇಳುತ್ತದೆ. ಬಹದ್ದೂರ್‌ ಆಗಿ ಮುಖ್ಯಮಂತ್ರಿ ಪಾತ್ರದಲ್ಲಿ ರಾಜ್‌ ಬಹದ್ದೂರ್‌ ನಟಿಸುತ್ತಿದ್ದಾರೆ ಎನ್ನುವುದು ಚಿತ್ರತಂಡದ ಮಾಹಿತಿ.

ಚಿತ್ರದಲ್ಲಿ ರಾಜೀವ್‌ ರಾಥೋಡ್‌, ಪಲ್ಲವಿ ಪ್ರಕಾಶ್‌, ಸುಶ್ಮಿತಾ, ಶೋಭಾ, ಗಣೇಶ್‌ ರಾವ್‌ ಮುಂತಾದವರು ಮುಖ್ಯಭೂಮಿಕೆಯಲ್ಲಿದ್ದಾರೆ.