“ಅದ್ಧೂರಿ ಲವರ್‌’ಗೆ ಮುಹೂರ್ತ

Team Udayavani, Mar 1, 2020, 7:00 AM IST

ನಿರ್ದೇಶಕ ಎ.ಪಿ. ಅರ್ಜುನ್‌ “ಕಿಸ್‌’ ಚಿತ್ರದ ಶತದಿನ ಸಂಭ್ರಮದಲ್ಲಿ ತಮ್ಮ ನಿರ್ಮಾಣದ ಮುಂದಿನ ಚಿತ್ರದ ಟೈಟಲ್‌ ಅನ್ನು ಲಾಂಚ್‌ ಮಾಡಿದ್ದರು. “ಅದ್ಧೂರಿ ಲವರ್‌’ ಎಂಬ ಚಿತ್ರ ನಿರ್ಮಿಸಲು ಎ.ಪಿ.ಅರ್ಜುನ್‌ ಮುಂದಾಗಿದ್ದು, ಚಿತ್ರದ ಮುಹೂರ್ತ ಶನಿವಾರ ನಡೆಯಿತು.

ಕ್ರೇಜಿಸ್ಟಾರ್‌ ರವಿಚಂದ್ರನ್‌ ಮೊದಲ ದೃಶ್ಯಕ್ಕೆ ಕ್ಲಾಪ್‌ ಮಾಡಿ ಶುಭ ಹಾರೈಸಿದರು. ವಿರಾಟ್‌ “ಅದ್ಧೂರಿ ಲವರ್‌’ ಚಿತ್ರದಲ್ಲಿ ನಾಯಕರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅರ್ಜುನ್‌ ನಿರ್ದೇಶನದ “ಕಿಸ್‌’ ಚಿತ್ರದಲ್ಲೂ ವಿರಾಟ್‌ ನಾಯಕರಾಗಿದ್ದರು. ಈಗ ಅರ್ಜುನ್‌ ನಿರ್ಮಾಣದ ಚಿತ್ರದಲ್ಲೂ ವಿರಾಟ್‌ಗೆ ಅವಕಾಶ ಸಿಕ್ಕಿದೆ. ಚಿತ್ರಕ್ಕೆ ನಾಯಕಿಯಾಗಿ ಸಂಜನಾ ಆನಂದ್‌ ಆಯ್ಕೆಯಾಗಿದ್ದಾರೆ.

“ಕೆಮಿಸ್ಟ್ರಿ ಆಫ್ ಕರಿಯಪ್ಪ’ ಚಿತ್ರದಲ್ಲಿ ನಟಿಸಿರುವ ಸಂಜನಾ ಸದ್ಯ, “ಸಲಗ’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.