ನಾಗಾಭರಣ ಸಾರಥ್ಯದಲ್ಲಿ ಚಿತ್ರಕಥಾ ಲೇಖನ ಕಾರ್ಯಗಾರ

Team Udayavani, Oct 15, 2019, 3:00 AM IST

ಚಿತ್ರರಂಗ, ಕಿರುತೆರೆ ಮತ್ತು ಡಿಜಿಟಲ್‌ ಮಾಧ್ಯಮಗಳಲ್ಲಿ ಕಂಟೆಂಟ್‌ ಕ್ರಿಯೇಷನ್‌ನಲ್ಲಿ ಇರುವ ವಿಪುಲ ಬೇಡಿಕೆಯನ್ನು ಗಮನದಲ್ಲಿ ಇಟ್ಟುಕೊಂಡು, ಈ ಮೂರೂ ಮಾಧ್ಯಮಗಳಿಗಾಗಿ ಕನ್ನಡ, ಇಂಗ್ಲೀಷ್‌ ಮತ್ತು ಹಿಂದಿ ಭಾಷೆಗಳಲ್ಲಿ ಸೃಜನಶೀಲ ಚಿತ್ರಕಥಾ ಸಾಮಗ್ರಿಯನ್ನು ಸೃಷ್ಟಿಸುವ ಕಲೆ, ಕೌಶಲಗಳ ಕುರಿತು ಅಭ್ಯಾಸ ಮಾಡಲು ಹಿರಿಯ ನಿರ್ದೇಶಕ ಟಿ.ಎಸ್‌ ನಾಗಾಭರಣ ಸಾರಥ್ಯದಲ್ಲಿ ಚಿತ್ರಕಥಾ ಲೇಖನ ಕಾರ್ಯಗಾರವನ್ನು ಆಯೋಜಿಸಲಾಗುತ್ತಿದೆ.

ಭರಣ ಅಕಾಡೆಮಿ ಆಫ್ ಪರ್ಫಾರ್ಮಿಂಗ್‌ ಆರ್ಟ್ಸ್ (ಬಾಪಾ) ಆಶ್ರಯದಲ್ಲಿ ನಡೆಯಲಿರುವ ಈ ಕಾರ್ಯಗಾರ ಮೂರು ತಿಂಗಳ ವಾರಾಂತ್ಯದ ಅವಧಿಯನ್ನು ಹೊಂದಿದ್ದು, ಆಯಾಯ ಕ್ಷೇತ್ರದ ಪರಿಣಿತರು ಮತ್ತು ಸಂಪನ್ಮೂಲ ವ್ಯಕ್ತಿಗಳು ನೇರವಾಗಿ ಕಾರ್ಯಗಾರದಲ್ಲಿ ವಿದ್ಯಾರ್ಥಿಗಳಿಗೆ ತರಬೇತಿ ನೀಡಲಿದ್ದಾರೆ. ನವೆಂಬರ್‌ ಎರಡನೇ ವಾರದಿಂದ ತರಬೇತಿ ಕಾರ್ಯಾಗಾರ ಆರಂಭವಾಗಲಿದೆ.