ನಾನೊಂಥರ ಇದು ಡಾಕ್ಟರ್ಸ್‌ ಸಿನಿಮಾ

Team Udayavani, Apr 28, 2020, 10:10 AM IST

ಕೋವಿಡ್ 19 ಎಂಬ ಹೆಮ್ಮಾರಿ ಎಲ್ಲರನ್ನೂ ಕಂಗೆಡಿಸಿದೆ. ಅದೆಷ್ಟೋ ಜೀವಗಳು ಸಾವು-ಬದುಕಿನ ಜೊತೆ ಹೋರಾಡುತ್ತಲೇ ಇವೆ. ಅಂತಹವರ ಪಾಲಿಗೆ ಈಗ ಇರೋದು, ಜೀವ ಉಳಿಸುವ ಕೆಲಸಕ್ಕೆ ಮುಂದಾಗಿರೋದು ಮಾತ್ರ ವೈದ್ಯರು ಮತ್ತು ಆರೋಗ್ಯ ಸಿಬ್ಬಂದಿ . ಈಗಾಗಲೇ ಅವರ ಕುರಿತ ಅನೇಕ ಹಾಡುಗಳು ಬಂದಿವೆ. ಆ ಮೂಲಕ ಅವರನ್ನು ಗೌರವಿಸುವ ಕೆಲಸಗಳೂ ಆಗುತ್ತಿವೆ. ಈಗ ಹೊಸ ಸುದ್ದಿಯೆಂದರೆ, ರಾತ್ರಿ-ಹಗಲು ದುಡಿಯುತ್ತಿರುವ ಡಾಕ್ಟರ್ಸ್‌ ಕೂಡ ಸಿನಿಮಾ ನಿರ್ಮಾಣ, ನಟನೆಗೆ ಇಳಿದರೆ ಹೇಗೆ?

ಹೌದು, “ನಾನೊಂಥರಾ ‘ ಚಿತ್ರದ ಮೂಲಕ ಅವರು ಸಿನಿಮಾರಂಗಕ್ಕೂ ಎಂಟ್ರಿಯಾಗಿದ್ದಾರೆ. ಹಾಗಂತ, ವೈದ್ಯರು ಕನ್ನಡ ಸಿನಿಮಾರಂಗಕ್ಕೆ ಬಂದಿರುವುದು ಇದೇ ಮೊದಲೇನಲ್ಲ. ಈಗಾಗಲೇ ಅಂತಹ ಹಲವು ವೈದ್ಯರು ಸಿನಿಮಾ ಮಾಡುವ ಮೂಲಕ ಕನ್ನಡ ಸಿನಿಮಾರಂಗದಲ್ಲಿ ಗುರುತಿಸಿಕೊಂಡಿ ದ್ದಾರೆ.”ನಾನೊಂಥರ ‘ ಚಿತ್ರದ ಮೂಲಕ ಇಬ್ಬರುವೈದ್ಯರು ಕನ್ನಡ ಚಿತ್ರ ರಂಗಕ್ಕೆ ಎಂಟ್ರಿಯಾಗಿದ್ದಾರೆ ಎಂಬುದು ಈ ಹೊತ್ತಿನ ಸುದ್ದಿ. ಡಾ.ಜಾಕ್ವಲಿನ್‌ ಫ್ರಾನ್ಸಿಸ್‌ ಈ ಚಿತ್ರವನ್ನು ನಿರ್ಮಿಸಿದರೆ, ಡಾ.ತಾರಕ್‌ ಶೇಖರಪ್ಪ ಚಿತ್ರದ ನಾಯಕರಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನು, ಈ ಚಿತ್ರವನ್ನು ರಮೇಶ್‌ ಕಗ್ಗಲು ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ದೇವರಾಜ್‌ ಅವರು ವಿಶೇಷ ಪಾತ್ರದ ಮೂಲಕ ಗಮನಸೆಳೆಯಲಿದ್ದಾರೆ.