ಜನವರಿಯಲ್ಲಿ ನೀ ನಿಲ್ಲದ ಮಳೆ 

Team Udayavani, Dec 6, 2017, 4:42 PM IST

ಅಮೋಘ್ ಹಾಗು ವ್ಯಾಲರಿ ಅಭಿನಯದ “ನೀ ನಿಲ್ಲದ ಮಳೆ’ ಚಿತ್ರವು ಬಿಡುಗಡೆಗೆ ಸಿದ್ಧವಾಗಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ, ಜನವರಿಯಲ್ಲಿ ರಾಜ್ಯಾದ್ಯಂತ ತೆರೆಗೆ ಬರಲಿದೆ. ಅಮೆರಿಕಾದಲ್ಲಿ ಭಾರತೀಯ ವಿದ್ಯಾರ್ಥಿಗಳ ಮೇಲೆ ನಡೆಯುತ್ತಿರುವ ಹಲ್ಲೆ ಹಾಗೂ ಭಾರತೀಯರ ನಿಗೂಢ ಕಣ್ಮರೆಯಂತಹ ವಿಷಯ ಇಟ್ಟುಕೊಂಡು ಈ ಚಿತ್ರದ ಕಥೆ ಮಾಡಲಾಗಿದೆ.

ಕುತೂಹಲಕಾರಿ ಕಥಾವಸ್ತುವನ್ನೊಳಗೊಂಡ ಈ ಚಿತ್ರವು ಅರ್ಧಕ್ಕಿಂತಲೂ ಹೆಚ್ಚಿನ ಭಾಗದ ಚಿತ್ರೀಕರಣ ಅಮೆರಿಕಾದಲ್ಲೇ ನಡೆದಿರುವುದು ವಿಶೇಷತೆಗಳಲ್ಲೊಂದು. ಮಾಸ್‌ ಮೂವೀಸ್‌ ಬ್ಯಾನರ್‌ನಡಿಯಲ್ಲಿ ಡಾ. ಶೈಲೇಂದ್ರ ಕೆ. ಬೆಲ್‌ದಾಳ್‌, ದೇವರಾಜ್‌ ಶಿಡ್ಲಘಟ್ಟ ಹಾಗೂ ಜನಾರ್ಧನ್‌ ಅವರ ನಿರ್ಮಾಣದಲ್ಲಿ ಮೂಡಿಬಂದಿದೆ.

ಚಿತ್ರಕ್ಕೆ ಅಮೋಘ್ ಅವರೇ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಚಿತ್ರಕ್ಕೆ ಇಂದ್ರಸೇನ ಸಂಗೀತ ಮತ್ತು ಸಂಭಾಷಣೆ ಬರೆದಿದ್ದಾರೆ. ವಿಷಲ್‌ ಛಾಯಾಗ್ರಹಣ ಮಾಡಿದರೆ, ಕವಿರಾಜ್‌ ಸಾಹಿತ್ಯ ಬರೆದಿದ್ದಾರೆ. ವಿಜಯ್‌ ಚಂಡೂರ್‌, ಶ್ರೀಕಾಂತ್‌ ಕಥೆ ಬರೆದರೆ, ರವಿವರ್ಮ ಸಾಹಸ ಮಾಡಿದ್ದಾರೆ.

ಮದನ್‌ ಹರಿಣೆ ಹಾಗೂ ರಾಮು ನೃತ್ಯ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ಗಿರೀಶ್‌ ಕಾರ್ನಾಡ್‌, ತಬಲಾ ನಾಣಿ, ಭವ್ಯ, ಮನ್‌ದೀಪ್‌ ರಾಯ್‌, ಲಕ್ಕಿ ಶಂಕರ್‌, ರಾಕ್‌ಲೈನ್‌ ಸುಧಾಕರ್‌, ಲಕ್ಷ್ಮಣ್‌, ಇತಿಆಚಾರ್ಯ, ಕುನಂಸೂತ್‌, ಸಮೋನಿಕಾ, ಮೋನಿಷಾ, ಜಂಗ್ಲಿ ಪ್ರಸನ್ನ ಇತರರು ಅಭಿನಯಿಸಿದ್ದಾರೆ.