ವಿಸ್ಮಯಗೆ ನಿರುಪ್ಪುಡಾ ಅರುಣ್‌ರಾಜ ಗಾಯನ

Team Udayavani, Jun 20, 2017, 11:48 AM IST

ರಜನಿಕಾಂತ್‌ ಅಭಿನಯದ “ಕಬಾಲಿ’ ಚಿತ್ರದಲ್ಲಿ ಹೈಲೈಟ್‌ ಎಂದರೆ ಅದು “ನೆರುಪ್ಪುಡಾ …’ ಹಾಡು. ಈ ಹಾಡನ್ನು ಹಾಡಿದವರು ಅರುಣ್‌ರಾಜ ಕಾಮರಾಜ್‌ ಎಂಬ ಬಗ್ಗೆ ಬಹಳಷ್ಟು ಜನರಿಗೆ ಗೊತ್ತಿರಲಿಕ್ಕಿಲ್ಲ. ಅರುಣ್‌ರಾಜ ಬರೀ ಗಾತಕರಷ್ಟೇ ಅಲ್ಲ, ಗೀತರಚನೆಕಾರರೂ ಹೌದು.

“ನೆರುಪ್ಪುಡಾ …’ ಹಾಡನ್ನು ಬರೆದವರು ಅವರೇ, ಅದಲ್ಲದೆ “ಜಿಗರ್‌ ಥಂಡಾ’, “ಪಿಜ್ಜಾ’, “ಡಿಮಾಂಟ್‌ ಕಾಲೋನಿ’ ಮುಂತಾದ ಚಿತ್ರಗಳಿಗೆ ಗೀತರಚೆನಕಾರರಾಗಿ, ಗಾಯಕರಾಗಿ ಗುರುತಿಸಿಕೊಂಡು ಬಂದಿದ್ದಾರೆ. ಈಗ್ಯಾಕೆ ಅವರ ಮಾತೆಂದರೆ, ಅರುಣ್‌ರಾಜ ಈಗ ಕನ್ನಡಕ್ಕೆ ಬಂದಿದ್ದಾರೆ. ಭಾನುವಾರ ಬಿಡುಗಡೆಯಾದ “ವಿಸ್ಮಯ’ ಚಿತ್ರದ “ಬಾರೋ ಬಾರೋ ಯುದ್ಧ ಮಾಡೋಣ …’ ಎಂಬ ಹಾಡನ್ನು ಹಾಡಿದ್ದಾರೆ.

ಅಷ್ಟೇ ಅಲ್ಲ, ಹಾಡುಗಳು ಬಿಡುಗಡೆಯ ಸಮಾರಂಭದಲ್ಲಿ ಅವರು ಮೊದಲ ಬಾರಿಗೆ ಲೈವ್‌ ಕಾರ್ಯಕ್ರಮ ಸಹ ಕೊಟ್ಟಿದ್ದಾರೆ. ನಾಯಕ ತನ್ನ ಎದುರಾಳಿಗೆ ಹಾಡುವ ಈ ಹಾಡನ್ನು ನಟ ರೋಜರ್‌ ನಾರಾಯಣ್‌ ಬರೆದಿರುವುದು ವಿಶೇಷ. ಅಂದಹಾಗೆ, “ವಿಸ್ಮಯ’ ಚಿತ್ರಕ್ಕೆ ಸಂಗೀತ ಸಂಯೋಜಿಸಿರುವವರು ನವೀನ್‌.