ಪುಟ್ನಂಜ ಮನೆಯತ್ತ ಫ್ಯಾಂಟಮ್‌ ಚಿತ್ತ

Team Udayavani, Oct 12, 2020, 1:27 PM IST

ಸುದೀಪ್‌ ಅಭಿನಯದ”ಫ್ಯಾಂಟಮ್‌’ ಚಿತ್ರ ಸತತವಾಗಿ ಚಿತ್ರೀಕರಣ ಮಾಡುತ್ತಲೇ ಇದೆ. ಹೈದರಾಬಾದ್‌ನ ಅನ್ನಪೂರ್ಣ ಸ್ಟುಡಿಯೋದಲ್ಲಿ ವಿಶೇಷ ಸೆಟ್‌ಗಳನ್ನು ಹಾಕಿ ಚಿತ್ರೀಕರಿಸಲಾಗುತ್ತಿದೆ. ಚಿತ್ರದ ಒಂದಷ್ಟು ಭಾಗದ ಚಿತ್ರೀಕರಣ ಕರಾವಳಿ ಭಾಗದಲ್ಲಿ ನಡೆಯುತ್ತಿದೆ.

ಅದರಲ್ಲೂ ಒಂದು ದೊಡ್ಡ ಮನೆಯಲ್ಲಿ ಚಿತ್ರದ ಪ್ರಮುಖ ದೃಶ್ಯಗಳನ್ನುಚಿತ್ರೀಕರಿಸಿಕೊಳ್ಳಲು ಚಿತ್ರತಂಡ ಪ್ಲ್ರಾನ್‌ ಮಾಡಿದೆ. ಆದರೆ, ಆ ಮನೆ ಯಾವುದು ಎಂದು ನೀವುಕೇಳಬಹುದು. ಚಿತ್ರತಂಡ ಬಯಸಿರೋದು “ಪುಟ್ನಂಜ’ ಮನೆ. ಹೌದು, ರವಿಚಂದ್ರನ್‌ ಅವರ “ಪುಟ್ನಂಜ’ ಚಿತ್ರದ ಚಿತ್ರೀಕರಣ ಕಾರ್ಕಳದಲ್ಲಿರುವ ಮನೆಯೊಂದರಲ್ಲಿ ನಡೆದಿತ್ತು. ಆ ನಂತರ ಆ ಮನೆಯನ್ನು ಚಿತ್ರೀಕರಣಕ್ಕೆಕೊಟ್ಟಿರಲಿಲ್ಲ. ಈಗ “ಫ್ಯಾಂಟಮ್‌’ ಚಿತ್ರತಂಡ ಆ ಮನೆಯಲ್ಲಿ ಚಿತ್ರೀಕರಿಸಲು ಪ್ಲ್ರಾನ್‌ಮಾಡಿದೆ. ಒಂದು ವೇಳೆ ಚಿತ್ರೀಕರಣಕ್ಕೆ ಆ ಮನೆ ದೊರೆತರೆ “ಫ್ಯಾಂಟಮ್‌’ ತಂಡ ಕಾರ್ಕಳ ದತ್ತ ಪಯಣ ಬೆಳೆಸಲಿದೆ.

ಇಲ್ಲವಾದರೆಕೇರಳ. ಈಗಾಗಲೇ ಕೇರಳದಲ್ಲಿ ಚಿತ್ರತಂಡಕ್ಕೆ ಬೇಕಾದ ಮನೆ ದೊರಕಿದೆಯಂತೆ. ಆದರೆ,ಕಾರ್ಕಳದ “ಪುಟ್ನಂಜ’ ಮನೆಗೆ ಮೊದಲ ಆದ್ಯತೆ ಎನ್ನುತ್ತಾರೆ ನಿರ್ಮಾಪಕ ಜಾಕ್‌ ಮಂಜು. ಚಿತ್ರದ ಫೈಟಿಂಗ್‌ ಸೀನ್‌ಗಾಗಿ ಹೈದರಬಾದ್‌ನಲ್ಲಿ ವಿಶೇಷವಾದ ಸೆಟ್‌ ಹಾಕಲಾಗಿದೆ. ಸುಮಾರು 135 ಕ್ಕೂ ಹೆಚ್ಚು ದಿನಗಳಕಾಲ ಚಿತ್ರೀಕರಣ ನಡೆಯುವ ಸಾಧ್ಯತೆ ಇದ್ದು, ಈ ಚಿತ್ರದಲ್ಲಿ ಸುದೀಪ್‌ ಭಿನ್ನಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.­