ಪೃಥ್ವಿ ಅಂಬರ್‌ ಹೊಸ ಕನಸು

Team Udayavani, Nov 23, 2020, 3:17 PM IST

ನಟ ಪೃಥ್ವಿ ಅಂಬರ್‌ ಈಗ ಬಿಝಿ ನಟ. ಕೈಯಲ್ಲಿ ಸಾಕಷ್ಟು ಸಿನಿಮಾಗಳಿದ್ದು, ಹೊಸಕಥೆಗಳು ಸಿಕ್ಕಿವೆ. ಹಾಗೆ ಸಿಕ್ಕಕಥೆಯಲ್ಲಿ “ಲೈಫ್ ಇಸ್‌ ಬ್ಯೂಟಿಫ‌ುಲ್‌’ಕೂಡಾ ಒಂದು. ನಿಮಗೆ ಗೊತ್ತಿರುವಂತೆ ಪೃಥ್ವಿ ನಟನೆಯ ಹೊಸ ಸಿನಿಮಾವಿದು. ಸದ್ದಿಲ್ಲದೇ ಚಿತ್ರೀಕರಣ ಮುಗಿಸಿರುವ ಈ ಚಿತ್ರ ಈಗ ಪೋಸ್ಟ್‌ ಪ್ರೊಡಕ್ಷನ್‌ನಲ್ಲಿ ಬಿಝಿ. ಈ ಚಿತ್ರದ ಬಗ್ಗೆ ಪೃಥ್ವಿಗೆ ದೊಡ್ಡ ಮಟ್ಟದ ನಿರೀಕ್ಷೆ ಇದೆ.

ಹೊಸ ಬಗೆಯ ಚಿತ್ರವಾಗಿ ಪ್ರೇಕ್ಷಕರಿಗೆ ಇಷ್ಟವಾಗುತ್ತದೆ ಎಂಬ ವಿಶ್ವಾಸವೂ ಇದೆ. ಚಿತ್ರದ ಬಗ್ಗೆ ಮಾತನಾಡುವ ಪೃಥ್ವಿ, “ಇದೊಂದು ಫೀಲ್‌ ಗುಡ್‌ ಸಿನಿಮಾ. ಇಂಜಿನಿಯರಿಂಗ್‌ ಸ್ಟೂಡೆಂಟ್‌ ಒಬ್ಬನ ಕಥೆಯನ್ನು ಇಲ್ಲಿ ತುಂಬಾ ಮಜಾವಾಗಿ ಹೇಳಲಾಗಿದೆ. “ದಿಯಾ’ ಸಿನಿಮಾ ಇಷ್ಟಪಟ್ಟವರಿಗೆ ಈ ಚಿತ್ರ ಖಂಡಿತಾ ಇಷ್ಟವಾಗುತ್ತದೆ. ನನಗೂ ಈ ಪಾತ್ರ, ತುಂಬಾ ಹೊಸದೆನಿಸಿತು. ಪ್ರಿಯಾಂಕಾ ಉಪೇಂದ್ರ ಕೂಡಾ ಈ ಚಿತ್ರದಲ್ಲಿ ಪ್ರಮುಖ ಪಾತ್ರ ಮಾಡಿದ್ದಾರೆ. ಅವರ ಮತ್ತು ನನ್ನ ಕಾಂಬಿನೇಶನ್‌ ದೃಶ್ಯಗಳಿವೆ’ ಎನ್ನುವುದು ಪೃಥ್ವಿ ಮಾತು.

ಇದನ್ನೂ ಓದಿ : ತಮಿಳು, ತೆಲುಗಿನಲ್ಲೂ ರೆಮೋ ರಿಲೀಸ್‌

ಈ ಚಿತ್ರವನ್ನು ಸಾಬು ಅಲೋಶಿಯಸ್‌ ಹಾಗೂ ಅರುಣ್‌ಕುಮಾರ್‌ ಎಂಬ ಇಬ್ಬರು ಯುವ ನಿರ್ದೇಶಕರು ನಿರ್ದೇಶಿಸಿದ್ದಾರೆ. “ಮಮ್ಮಿ’, “ದೇವಕಿ’ ಚಿತ್ರಗಳನ್ನು ನಿರ್ದೇಶಿಸಿರುವ ಲೋಹಿತ್‌ ತಮ್ಮ ಸ್ನೇಹಿತರಜೊತೆ ಸೇರಿಕೊಂಡು”ಫ್ರೈಡೇ ಫಿಲಂಸ್‌’ ಎಂಬ ಬ್ಯಾನರ್‌ ಹುಟ್ಟು ಹಾಕಿದ್ದು, ಅದರಡಿ ಈ ಚಿತ್ರ ನಿರ್ಮಾಣವಾಗಿದೆ. ನಿರ್ಮಾಣದಲ್ಲಿ ಕಿಶೋರ್‌ ನರಸಿಂಹಯ್ಯ ಸಾಥ್‌ ನೀಡಿದ್ದಾರೆ.