ಪುನೀತ್‌ ಮುಂದಿನ ಚಿತ್ರ ಸ್ವಮೇಕ್‌

Team Udayavani, Jul 18, 2017, 10:43 AM IST

ಪುನೀತ್‌ರಾಜಕುಮಾರ್‌ ಅವರ ಮುಂದಿನ ಚಿತ್ರ ಯಾವುದು? ಅದು ರಿಮೇಕ್‌ ಆಗಿರುತ್ತಾ ಅಥವಾ ಸ್ವಮೇಕ್‌ ಆಗಿರುತ್ತಾ? ಈ ಬಗ್ಗೆ ಒಂದಷ್ಟು ಪ್ರಶ್ನೆಗಳಿದ್ದವು. ಆದರೆ, ಪುನೀತ್‌ರಾಜಕುಮಾರ್‌ ಅಭಿನಯಿಸಲಿರುವ ಮುಂದಿನ ಸಿನಿಮಾ ಸ್ವಮೇಕ್‌ ಎಂಬುದು ಗೊತ್ತಿರಲಿ.

ಹೌದು, ನಿರ್ಮಾಪಕ ರಾಕ್‌ಲೈನ್‌ ವೆಂಕಟೇಶ್‌ ಇತ್ತೀಚೆಗೆ ತಮಿಳಿನ “ವಿಸಾರನೈ’ ಚಿತ್ರದ ನಿರ್ದೇಶಕ ವೆಟ್ರಿಮಾರನ್‌ ಅವರೊಂದಿಗೆ ಪುನೀತ್‌ರಾಜಕುಮಾರ್‌ ಅವರನ್ನು ಭೇಟಿಯಾಗಿದ್ದರು. ಹಾಗಾಗಿ ವೆಟ್ರಿಮಾರನ್‌ ನಿರ್ದೇಶನದ ‘ವಿಸಾರನೈ’ ಚಿತ್ರದಲ್ಲಿ ಪುನೀತ್‌ರಾಜಕುಮಾರ್‌ ನಟಿಸುತ್ತಾರೆ ಎಂದು ಸುದ್ದಿಯಾಗಿತ್ತು.

ಆದರೆ, ಈಗ ಆ ಚಿತ್ರದಲ್ಲಿ ಪುನೀತ್‌ ನಟಿಸುತ್ತಿಲ್ಲ. ಬದಲಾಗಿ, ರಾಕ್‌ಲೈನ್‌ ನಿರ್ಮಾಣದ ಸ್ವಮೇಕ್‌ ಚಿತ್ರವೊಂದರಲ್ಲಿ ಪುನೀತ್‌ ನಟಿಸಲಿದ್ದು, ಆ ಚಿತ್ರವನ್ನು ವೆಟ್ರಿಮಾರನ್‌ ಅವರೇ ನಿರ್ದೇಶನ ಮಾಡಲಿದ್ದಾರೆ ಎನ್ನಲಾಗಿದೆ. ಸದ್ಯಕ್ಕೆ ಪುನೀತ್‌ ಅಭಿನಯದ “ಅಂಜನಿ ಪುತ್ರ’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇದು ತಮಿಳಿನ “ಪೂಜೈ’ ಸಿನಿಮಾದ ರಿಮೇಕ್‌.