“ಪುರ್‌ಸೋತ್‌ ರಾಮ’ ಬಿಝಿಯಾಗ್ಬಿಟ್ಟ

Team Udayavani, Jan 15, 2020, 7:00 AM IST

ಕನ್ನಡದಲ್ಲಿ ಬರುತ್ತಿರುವ ಹಾಸ್ಯ ಚಿತ್ರಗಳ ಸಾಲಿಗೆ ಈಗ “ಪುರ್‌ಸೋತ್‌ ರಾಮ’ ಚಿತ್ರವೂ ಸೇರಿದೆ. ಅಂದಹಾಗೆ, ಈ ಚಿತ್ರದ ಚಿತ್ರೀಕರಣ ಮುಕ್ತಾಯಗೊಂಡಿದೆ. ಮಾನಸದೇವಿ ಪ್ರೊಡಕ್ಷನ್ಸ್‌ ಬ್ಯಾನರ್‌ನಲ್ಲಿ ಮಾನಸ ನಿರ್ಮಿಸುತ್ತಿರುವ “ಪುರ್‌ಸೋತ್‌ರಾಮ” ಚಿತ್ರದ ಚಿತ್ರೀಕರಣ ಮುಕ್ತಾಯವಾಗಿದೆ. ರವಿಶಂಕರ್‌ ಗೌಡ ಹಾಗು ಶಿವರಾಜ್‌ಕೆ.ಆರ್‌.ಪೇಟೆ ಚಿತ್ರದ ಪ್ರಮುಖ ಆಕರ್ಷಣೆ.

ಇವರಿಬ್ಬರೂ ಹಾಸ್ಯ ಕಲಾವಿದರು ಎಂಬುದು ಗೊತ್ತು. ಇಬ್ಬರು ಜೊತೆಯಲ್ಲಿದ್ದಾರೆ ಅಂದರೆ, ಅದೊಂದು ಪಕ್ಕಾ ಹಾಸ್ಯಮಯ ಸಿನಿಮಾ ಅನ್ನುವುದು ಗ್ಯಾರಂಟಿ. ಬೆಂಗಳೂರು ಸುತ್ತಮುತ್ತ 30ದಿನಗಳ ಚಿತ್ರೀಕರಣ ನಡೆದಿದೆ. ಪ್ರಭುದೇವ್‌ ಅವರು ಚಿತ್ರಕಥೆ, ಸಂಭಾಷಣೆ ಬರೆದಿರುವ ಈ ಚಿತ್ರವನ್ನು ಸರು ನಿರ್ದೇಶಿಸಿದ್ದಾರೆ. ನಾಲ್ಕು ಹಾಡುಗಳಿರುವ ಚಿತ್ರಕ್ಕೆ ಶುಧ್ದೋರಾಯ್‌ ಸಂಗೀತ ನೀಡಿದ್ದಾರೆ.

ಕಿರಣ್‌ ಕುಮಾರ್‌ ಛಾಯಾಗ್ರಹಣವಿದೆ. ಚಂದನ್‌ ಸಂಕಲನ, ಈಶ್ವರಿ ಕುಮಾರ್‌ ಕಲಾ ನಿರ್ದೇಶನ ಹಾಗೂ ರಾಜ್‌ಕಿಶೋರ್‌, ಮದನ್‌ – ಹರಿಣಿ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ. ಪ್ರಭುದೇವ್‌ ಹಾಗೂ ಧ್ರುವ ಈ ಚಿತ್ರದ ಹಾಡುಗಳನ್ನು ರಚಿಸಿದ್ದಾರೆ. ಚಿತ್ರದಲ್ಲಿ ರಿತಿಕ್‌ ಸರು, ಸಹನ, ಮಾನಸ, ಅನುಷಾ ಪಕಾಲಿ, ಕುರಿ ಪ್ರತಾಪ್‌, ಬ್ಯಾಂಕ್‌ ಜನಾರ್ದನ್‌, ಆರ್‌.ಟಿ.ರಮಾ ಇತರರು ನಟಿಸಿದ್ದಾರೆ.