ಮಲಯಾಳಂ ಚಿತ್ರರಂಗಕ್ಕೆ ರಾಜ್ ಬಿ.ಶೆಟ್ಟಿ ಎಂಟ್ರಿ; ಎಲ್ಲರಲ್ಲೂ ಕುತೂಹಲ !

Team Udayavani, Nov 2, 2022, 7:05 PM IST

ಬೆಂಗಳೂರು : ಕನ್ನಡ ಚಿತ್ರ ರಂಗದಲ್ಲಿ ತನ್ನದೇ ಆದ ವೈಶಿಷ್ಟ್ಯ ಗಳೊಂದಿಗೆ ಗಮನಸೆಳೆದಿರುವ ರಾಜ್ ಬಿ. ಶೆಟ್ಟಿ ಅವರು ಮಲಯಾಳಂ ಚಿತ್ರವೊಂದರಲ್ಲಿ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆ ಚಿತ್ರದ ಬಗ್ಗೆ ಸ್ಯಾಂಡಲ್ ವುಡ್ ಸೇರಿ ಚಿತ್ರ ಪ್ರೇಮಿಗಳಲ್ಲಿ ಕುತೂಹಲ ಮೂಡಿದೆ.

ಹೊಸ ಚಿತ್ರ ನಾಲ್ಕು ಭಾಷೆಗಳಲ್ಲಿ ಮೂಡಿ ಬರುತ್ತಿದ್ದು, ಮಲಯಾಳಂನಲ್ಲಿ ತಯಾರಾದ ಬಳಿಕ ಉಳಿದ ಮೂರು ಭಾಷೆಗಳಿಗೆ ಡಬ್ ಮಾಡಲಾಗುತ್ತದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಹೀಗಾಗಿ ಇದೊಂದು ಪ್ಯಾನ್ ಇಂಡಿಯಾ ಸಿನಿಮಾ ಎಂಬುದು ಖಚಿತವಾಗಿದೆ.

ಚಿತ್ರಕ್ಕೆ ‘ರುಧಿರಂ’ ಎಂದು ಹೆಸರಿಡಲಾಗಿದ್ದು, ರಾಜ್ ಅವರು ಮಾಲಿವುಡ್ ಗೆ ಪ್ರವೇಶಿಸುತ್ತಿದ್ದಾರೆ. ಪೋಸ್ಟರ್ ಬಿಡುಗಡೆ ಮಾಡಲಾಗಿದ್ದು ಜಿಶೋ ಲೋನ್ ಆಂಟನಿ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ರಾಷ್ಟ್ರ ಪ್ರಶಸ್ತಿ ವಿಜೇತ ನಟಿ ಅಪರ್ಣಾ ಬಾಲಮುರಳಿ ನಾಯಕಿಯಾಗಿ ನಟಿಸುತ್ತಿದ್ದಾರೆ.

ಈಗಾಗಲೇ ಕಾಂತಾರದಲ್ಲಿ ತನ್ನ ಕೊಡುಗೆ ನೀಡಿರುವ ರಾಜ್ ಅವರು ಅಭಿನಯಿಸುತ್ತಿರುವ ಈ ಚಿತ್ರ ಕುತೂಹಲ ಮೂಡಿಸಿದೆ.