ಅಮ್ಮಚ್ಚಿಯ ನೆನಪಲ್ಲಿ ರಾಜ್‌ ಶೆಟ್ಟಿ

Team Udayavani, Feb 3, 2018, 11:04 AM IST

“ಒಂದು ಮೊಟ್ಟೆಯ ಕಥೆ’ ಚಿತ್ರದ ನಂತರ ರಾಜ್‌ ಶೆಟ್ಟಿ ಸದ್ದಿಲ್ಲದೆ ಒಂದು ಚಿತ್ರ ಮಾಡಿ ಮುಗಿಸಿದ್ದಾರೆ. ಅದೇ “ಅಮ್ಮಚ್ಚಿ ಎಂಬ ನೆನಪು’. ವಿಶೇಷವೆಂದರೆ, ಈ ಚಿತ್ರದಲ್ಲಿ ಕುಂದಾಪುರ ಕನ್ನಡವಿದ್ದು, ರಾಜ್‌ ಶೆಟ್ಟಿ ನೆಗೆಟಿವ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಹೌದು, “ಒಂದು ಮೊಟ್ಟೆಯ ಕಥೆ’ ಚಿತ್ರದಲ್ಲಿ ಎಲ್ಲರನ್ನೂ ನಗಿಸಿದ್ದ ರಾಜ್‌ ಶೆಟ್ಟಿ, ಈಗ ಮೊದಲ ಬಾರಿಗೆ ನೆಗೆಟಿವ್‌ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರದ್ದು ಚಿತ್ರದಲ್ಲಿ ಸಂಪ್ರದಾಯಸ್ಥ ಬ್ರಾಹ್ಮಣನ ಪಾತ್ರ. ಹೆಂಗಸರು ಹೀಗ್ಹೀಗೇ ಇರಬೇಕು ಎಂಬ ನಿಲುವಿರುವ ಪಾತ್ರ ಅದು.

1970ರ ದಶಕದ ಕಾಲಘಟ್ಟದ ಈ ಚಿತ್ರದ ಚಿತ್ರೀಕರಣ ಈಗಾಗಲೇ ಸದ್ದಿಲ್ಲದೆ ಮುಗಿದಿದೆ. ಮಹಿಳಾ ಪ್ರಧಾನವಾದ ಈ ಚಿತ್ರವಲ್ಲದೆ, ಹೇಮಂತ್‌ ಕುಮಾರ್‌ ನಿರ್ದೇಶನದ ಚಿತ್ರದಲ್ಲೂ ರಾಜ್‌ ಶೆಟ್ಟಿ ಟ್ಯಾಕ್ಸಿ ಡ್ರೈವರ್‌ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.